ខេត្តត្បូងឃ្មុំ ៖ ពិតជាគួរឲ្យអាណិតអាសូរណាស់ដោយស្ត្រីកូនខ្ចីម្នាក់បានយកក្រម៉ាមកចង.កធ្វើអត្តឃាតនៅក្នុងបន្ទប់ទឹក ហេតុការណ៍នេះបង្កឲ្យមានការភ្ញាក់ផ្អើលដល់សមត្ថកិច្ច កាលពីម៉ោង៨និង៣០នាទីព្រឹក ថ្ងៃទី១០ មិថុនា ស្ថិតក្នុងរស់នៅភូមិអណ្តូងជា ឃុំជីរោទ៏ទី២ ស្រុកត្បូងឃ្មុំ…
ខេត្តត្បូងឃ្មុំ ៖ ពិតជាគួរឲ្យអាណិតអាសូរណាស់ដោយស្ត្រីកូនខ្ចីម្នាក់បានយកក្រម៉ាមកចង.កធ្វើអត្តឃាតនៅក្នុងបន្ទប់ទឹក ហេតុការណ៍នេះបង្កឲ្យមានការភ្ញាក់ផ្អើលដល់សមត្ថកិច្ច កាលពីម៉ោង៨និង៣០នាទីព្រឹក ថ្ងៃទី១០ មិថុនា ស្ថិតក្នុងរស់នៅភូមិអណ្តូងជា ឃុំជីរោទ៏ទី២ ស្រុកត្បូងឃ្មុំ ។
លោកវរសេនីយ៍ត្រី សេង ម៉ិ អធិការរងនគរបាលស្រុកត្បូងឃ្មុំ ប្រាប់ថា ស្ត្រីរងគ្រោះខាងលើឈ្មោះ អ៊ឹង តុងហ៊ាង អាយុ២៦ឆ្នាំ រស់នៅភូមិអណ្តូងជា ឃុំជីរោទ៏ទី២ ស្រុកត្បូងឃ្មុំ ហើយបានសរសេរសំបុត្រទុកជាបណ្តាំមួយច្បាប់ធ្វើឲ្យប្តី និងក្រុមគ្រួសារទួញសោកសង្វេគគ្រប់ៗគ្នាផងដែរ។
លោកអធិការរងបន្តថា មុនកើតហេតុបុរសជាប្តីបានអង្គុយលាងចានឆ្នាំង ចំណែកស្ត្រីជាប្រពន្ធបានអង្គុយនិយាយលេងនៅលើគ្រែក្រោមផ្ទះធម្មតា បន្ទាប់មកបាត់ប្រពន្ធមិនឃើញ ប្តីស្ទុះរត់ទៅមើលក្នុងផ្ទះមិនឃើញ លុះពេលបើកទ្វារបន្ទប់ទឹក ស្រាប់តែឃើញប្រពន្ធចងកបាត់ទៅហើយ ។ ភ្លាមៗនោះ បុរសជាប្តីបានស្រាយចំណងក្រម៉ាចេញ និងលើកប្រពន្ធមកដាក់លើដី តែអកុសលនាងបានស្លាប់បាត់ទៅហើយ ហើយបង្កឲ្យការភ្ញាក់ផ្អើលដល់អ្នកជិតខាង និងសមត្ថកិច្ចចុះមកពិនិត្យសព។
បើតាមម្តាយស្ត្រីរងគ្រោះបានបំភ្លឺថា កូនស្រីរបស់គាត់កើតរោគសរសៃប្រសាទ៥ឆ្នាំមកហើយ មានពេលមួយធ្លាប់នៅធ្វើការជាកម្មការិនីនៅខេត្តកំពង់ចាម ធ្លាប់ប៉ងចង.កធ្វើអត្តឃាតម្តងហើយ តែត្រូវសាច់ញាតិដឹងទាន់សង្គ្រោះបានផុតពីគ្រោះថ្នាក់ដល់អាយុជីវិត ។
ក្រោយពីពិនិត្យសពរួច សមត្ថកិច្ចបានសន្និដ្ឋាន ស្ត្រីរងគ្រោះពិតជាបានស្លាប់ដោយសារចង.កធ្វើអត្តឃាតពិតប្រាកដមែន ហើយជាមួយនោះមានបន្សល់ទុកនូវលិខិតបណ្តាំមួយច្បាប់ដែលសរសេរមុនពេលស្លាប់ថា «ម៉ាក់ អ៊ុំ ប្អូនប្រុស ប្តីដ៏កំសត់ កូនប្រុសអភ័ព្វ ខ្ញុំលាអ្នកទាំងអស់គ្នាសិនហើយ…» ។ ក្រោយមកសពស្ត្រីរងគ្រោះត្រូវសមត្ថកិច្ចប្រគល់ជូនសាច់ញាតិ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ