សារព័ត៌មានរបស់ឥណ្ឌាកាលពីពេលថ្មីៗកន្លងមកផ្សាយថា ស្ត្រីឥណ្ឌាអាយុ៤៥ឆ្នាំម្នាក់ បានទាស់សំដី និងវាយតប់ជាមួយប្ដីអាយុ៤៨ឆ្នាំ ព្រោះនាងចង់ទៅផ្ទះដើម្បីបានសួរសុខទុក្ខឪពុកម្ដាយ ប៉ុន្តែប្ដីមិនព្រមក៏យកពូថៅទៅកាប់លើដងខ្លួនរបស់នាង បណ្ដាលឲ្យស្លាប់ ខណៈពេលនាងកំពុងគេងលក់ជាមួយកូនស្រី ។
ប៉ូលិសឲ្យដឹងថា ហេតុការណ៍បានកើតឡើងនៅយប់ថ្ងៃទី១៦ ឧសភា ២០១៨ នៅភូមិKherkheda រដ្ឋរ៉ាចសាថានភាគខាងលិច ប្រទេសឥណ្ឌា ។ នារីដែលស្លាប់បាត់បង់ជីវិតឈ្មោះ Guddi Kanwar Rajput មានកូនស្រី២នាក់ ចំណែកប្ដីឈ្មោះChain Singh។
ក្រោយពីបង្កហេតុរូបគេក៏បានគេចខ្លួន បច្ចុប្បន្នប៉ូលិសកំពុងតាម ដើម្បីដំណើរការតាមផ្លូវច្បាប់ ។
លោក Islam Ali ប៉ូលិសជាន់ខ្ពស់មួយរូបបានបញ្ជាក់ថា នៅក្នុងថ្ងៃកើតហេតុនារីរងគ្រោះចង់ទៅផ្ទះ ដើម្បីបានសួរសុខទុក្ខឪពុកម្ដាយរបស់ខ្លួន ប៉ុន្តែប្ដីមិនអនុញ្ញាតឲ្យទៅក្រោយមកពួកគេក៏ទាស់សំដីគ្នា ក្រោយពីពិសាអាហារពេលល្ងាចរួច អ្នកនៅក្នុងផ្ទះក៏ចូលគេង រីឯប្ដីក៏កាន់ពូថៅចូលក្នុងបន្ទប់គេង ហើយក៏កាប់តែម្ដង ៕
ចែករំលែកព័តមាននេះ