សារព័ត៌មានបរទេសកាលពីពេលថ្មីៗកន្លងមកផ្សាយថា ដើមឈើបុរាណ គឺដើមស្រល់ «Heldreich’s pine» បានប្រទះឃើញនៅលើភ្នំដ៏ខ្ពស់ក្នុងឧទ្យាន «Pollino» ប្រទេសអ៊ីតាលី ។
ក្រុមអ្នកស្រាវជ្រាវបានប្រទះឃើញដើមឈើមួយដើមនោះមានអាយុជាង១.២៣០ឆ្នាំ វ័យចំណាស់ជាងដើមស្រល់នៅក្នុងប្រទេសក្រិក អាយុ១.០៧៥ឆ្នាំ ធ្វើឲ្យវាក្លាយជាដើមឈើចំណាស់បំផុតនៅតំបន់អឺរ៉ុប ។ លើសពីនេះ ក៏កាន់តែមានភាពចម្លែកបន្ថែមទៀតវានៅរីកដុះដាលបន្ត អាចឆ្លុះបញ្ចាំងឲ្យឃើញថា នៅបន្តការរីកលូតលាស់់ជាប្រចាំ ទោះបីជាមានអាយុច្រើនក៏ដោយ ។ ដើមស្រល់បុរាណនោះត្រូវបានក្រុមអ្នកស្រាវជ្រាវសន្និដ្ឋានថា អាចមានបរិស្ថានល្អសំបូរដោយធម្មជាតិ និងគុណសម្បត្តិរបស់វា មានលក្ខណៈខុសប្លែកពីដើមឈើនានានៅក្នុងតំបន់មេឌីទែរ៉ាណេនេះ ។
របាយការណ៍បានបញ្ជាក់ថាក្នុងអំឡុងពេលប្រទេសកំពុងមានការអភិវឌ្ឍន៍ផ្នែកឧស្សាហកម្ម បង្កើតឲ្យមានទីប្រជុំជនយ៉ាងច្រើន ហើយមានការទន្ទ្រានលើព្រៃឈើ និងទទួលការបំផ្លិចបំផ្លាញដោយសារមនុស្ស ប៉ុន្តែនៅបរិវេណព្រៃរបស់ដើមស្រល់នោះ ស្ថិតនៅតំបន់ឆ្ងាយដាច់ស្រយាល មិនទទួលផលប៉ះពាល់ ។ ក្រៅពីនេះនៅឧទ្យានជាតិ«Pollino» ក៏មានដើមស្រល់ជាច្រើនពាន់ដើមទៀតមានអាយុជាង៥០០ ទៅ៦០០ឆ្នាំ និងឃើញមានប្រហែល៣ដើមរំពឹងថាមានអាយុជាងមួយពាន់ឆ្នាំ ៕
ចែករំលែកព័តមាននេះ