រាជធានីភ្នំពេញ ៖ រថយន្តហាយឡែនឌ័រមួយគ្រឿងដែលអ្នកបើកមានអាការរាងស្រើង បើកវ៉ារថយន្តដឹកទំនិញមួយគ្រឿងទៀត ក៏ជ្រុលចង្កូតទៅបុកខឿនសួនច្បារ ទើបបណ្តាលឲ្យដាច់កាឡេទៅមុខមិនរួច តែសំណាងល្អមនុស្ស៣នាក់ក្នុងរថយន្តរងរបួសស្រាល ។ ហេតុការណ៍នេះបង្កភ្ញាក់ផ្អើលកាលពីម៉ោង០១ និង៣០នាទីទាបភ្លឺចូលថ្ងៃទី១០…
រាជធានីភ្នំពេញ ៖ រថយន្តហាយឡែនឌ័រមួយគ្រឿងដែលអ្នកបើកមានអាការរាងស្រើង បើកវ៉ារថយន្តដឹកទំនិញមួយគ្រឿងទៀត ក៏ជ្រុលចង្កូតទៅបុកខឿនសួនច្បារ ទើបបណ្តាលឲ្យដាច់កាឡេទៅមុខមិនរួច តែសំណាងល្អមនុស្ស៣នាក់ក្នុងរថយន្តរងរបួសស្រាល ។ ហេតុការណ៍នេះបង្កភ្ញាក់ផ្អើលកាលពីម៉ោង០១
និង៣០នាទីទាបភ្លឺចូលថ្ងៃទី១០ មិថុនា ២០១៨ នៅមុខធនាគាកាណាឌីយ៉ាជាប់ស្ពានអាកាសថ្មីលើផ្លូវណតប្រ៊ិត៍ ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ។ អ្នកបើក និងអ្នករួមដំណើរ២នាក់មិនត្រូវស្គាល់អត្តសញ្ញាណ ។
តាមសម្តីអ្នកបើករថយន្តខាងលើឲ្យថា មុនកើតហេតុគាត់មកពីហូបចុកជុំមិត្តភក្តិ នៅម្តុំផ្សារម៉ាក្រូ រួចបន្តទៅហូបបបរ សនៅផ្លូវ១៩៨៦ ក្នុងសង្កាត់ភ្នំពេញថ្មី ក្រោយពីចេញពីហូបបបរ សវិញបាន បើកដោយមានគ្នា៣នាក់គោលបំណងទៅផ្ទះវិញ ខណៈមកដល់ចំណុចខាងលើ ដោយសារផ្លូវងងឹតក៏ជ្រុលទៅបុកខឿនសួននៅទីតាំងខាងលើតែម្តងទៅ ។
ប្រភពពីសមត្ថកិច្ចប្រចាំការនៅគោលដៅកើតហេតុខាងលើបានប្រាប់ថា មុនកើតហេតុឃើញរថយន្តបង្កខាងលើម៉ាកហាយឡែនឌ័របើកមកល្បឿនលឿនជែងគេឯង ដោយមិនឃើញមានបើកភ្លើងបំភ្លឺផ្លូវផងទេ ដោយបើកមកក្នុងទិសដៅពីជើងទៅត្បូង ខណៈមកដល់ចំណុចខាងលើក៏ជ្រុលទៅបុកក្បាលខឿនសួនដែលទើបនិងធ្វើ បណ្តាលឲ្យរថយន្តប៉ើងទៅម្ខាងផ្លូ ដាច់កាឡេមុខផ្នែកខាងស្តាំ ទៅមុខលែងរួចតែម្តង តែសំណាងល្អអ្នកបើក និងអ្នករួមដំណើរគ្រាន់តែរងរបួសស្រាល ។
ក្រោយកើតហេតុកម្លាំងជំនាញរបស់ការិយាល័យចរាចរណ៍ជើងគោករាជធានីភ្នំពេញចុះមកវាស់វែង និងស្ទូចយករថយន្តខាងលើទៅរក្សាទុករង់ចាំដោះស្រាយពេលក្រោយ ៕
ចែករំលែកព័តមាននេះ