ខេត្តព្រះសីហនុ ៖ សេចក្តីរាយការណ៍ឱ្យដឹងថា មនុស្ស២នាក់ស្លាប់នៅនឹងកន្លែង និងម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ រវាងរថយន្តចង្កូតស្តាំជាមួួរថយន្តចង្កូតឆ្វេងក្នុងទិសដៅបញ្ច្រាសគ្នាយ៉ាងពេញទំហឹង កើតឡើងកាលពីវេលា១០យប់ថ្ងៃទី០៨ មិថុនា ស្ថិតលើផ្លូវជាតិលេខ៤ ត្រង់ចន្លោះបង្គោលគីឡូម៉ែត្រលេខ 134-135 ក្នុងភូមិបឹងត្រាច ឃុំចំការហ្លួង ស្រុកកំពង់សីលា ខេត្តព្រះសីហនុ ។
បើតាមសមត្ថកិច្ចបានឱ្យដឹងថា គ្រោះថ្នាក់នេះគឺបង្កដោយរថយន្ត១គ្រឿង ម៉ាកISUZU ចង្កូតស្តាំ ពណ៌ទឹកប្រាក់ ពាក់ស្លាកលេខ ក្រ.ព្រះសីហនុ 2A-2417 មានទិសដៅពីភ្នំពេញទៅខេត្តព្រះសីហនុ បានរេចង្កូតចូលទៅបុករថយន្តបែន ម៉ាក HYUNDAI ក្បាលពណ៌ស ទ្រុងពណ៌.ស ពាក់ស្លាកលេខព្រះសីហនុ 3A-6591 ដែលមានទិសដៅបញ្ច្រាស់ទិសគ្នា បណ្តាលឱ្យអ្នកជិះក្នុងរថយន្តISUZU មានគ្នាបីនាក់ ក្នុងនោះស្លាប់០២នាក់ និងរបួសធ្ងន់០១នាក់។
ប្រភពបន្តថា ជនរងគ្រោះទាំង៣នាក់ ១- ឈ្មោះ ម៉េង និត ភេទប្រុស អាយុ២៤ឆ្នាំ ជាអ្នកបើក (ស្លាប់នៅនឹងកន្លែងកើតហេតុ), ២- ឈ្មោះ មាស ចិត្រា ភេទប្រុស អាយុ២៣ឆ្នាំ (ស្លាប់នៅនឹងកន្លែងកើតហេតុ)
៣-ឈ្មោះ មិន ណែត ភេទប្រុស អាយុ៣១ឆ្នាំ របួសធ្ងន់ (ត្រូវបានកម្លាំង អាវុធហត្ថ ស្នាក់ការសនិ្តសុខ ៤០២ សហការជាមួយកម្លាំងនគរបាលស្រុកកំពង់សីលា បញ្ជូនទៅមន្ទីរពេទ្យបង្អែកស្រុកស្រែអំបិល ។ ជនរងគ្រោះទាំង៣នាក់ ត្រូវបានគេដឹងថា រស់នៅភូមិអូរត្រេះ ឃុំអូត្រេះ ស្រុកស្ទឹងហាវ ខេត្តព្រះសីហនុ ។ ដោយឡែក អ្នកបើកបររថយន្តបែន បានរត់គេចបាត់ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ