រាជធានភ្នំពេញ ៖ កម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ កាលពីថ្ងៃទី០៥ មិថុនា ២០១៨ បានធ្វើការស្រាវជ្រាវ ឈានដល់ការឃាត់ខ្លួនជនសង្ស័យចំនួន២នាក់ នៅចំណុចសាលាបឋមសិក្សាភូមិ៧ ផ្លូវ២៧១ សង្កាត់បឹងទំពុន១ ខណ្ឌមានជ័យ រាជធានីភ្នំពេញ ដែលពាក់ព័ន្ធប្រព្រឹត្តបទល្មើសលួចកាច់សោម៉ូតូ របស់ប្រជាពលរដ្ឋចំនួន០៣លើក។ ក្នុងនោះក៏បានចាប់យកវត្ថុតាងមធ្យោបាយ ឧបករណ៍សម្រាប់ធ្វើសកម្មភាព និង ចាប់យកម្សៅក្រាមពណ៌សថ្លា(សង្ស័យសារធាតុញៀន) ចំនួន១ថង់តូច។ លោកវរៈសេនីយ៍ឯក ប៊ុន សន្យា នាយការិយាល័យនគរបាលព្រហ្មទណ្ឌកម្រិតស្រាលបានឲ្យដឹងថា ជនសង្ស័យបានសារភាព លួចកាច់សោម៉ូតូប្រជាពលរដ្ឋចំនួន៣លើកនោះមាន ៖ ១.លួច (ម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ភ្នំពេញ១GK-៤៨៨៧)១គ្រឿង នៅចំណុចផ្ទះជួល ផ្លូវបេតុង ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ កាលពីរសៀលថ្ងៃទី២៤ មេសា ២០១៨។ ជនរងគ្រោះឈ្មោះ សំ សុវណ្ណដារ៉ា ភេទប្រុស អាយុ៣១ឆ្នាំ មុខរបរបុគ្គលិកក្រុមហ៊ុន ស្នាក់នៅផ្ទះជួល ផ្លូវបេតុង ភូមិម័ល សង្កាត់ដង្កោ ខណ្ឌដង្កោរាជធានីភ្នំពេញ, សម្ភារដែលបាត់បង់មានម៉ូតូម៉ាកហុងដា១គ្រឿង ពាក់ស្លាកលេខ ភ្នំពេញ ១GK-៤៨៨។
២.លួចកាច់សោរម៉ូតូម៉ាក SUZUKI NEX ១១០ ពណ៌ស សេរីឆ្នាំ២០១៤ ពាក់ស្លាកលេខ ភ្នំពេញ ១FT-៥២៦៨ នៅចំណុចភោជនីយដ្ឋានរាជនីថ្មី ផ្ទះលេខ៤៣ ផ្លូវ២៥៧ ក្រុម២២ ភូមិ៨ សង្កាត់ទឹកល្អក់២ ខណ្ឌទួលគោក រាជធានីភ្នំពេញ កាលពីវេលារសៀល ថ្ងៃទី២០ មីនា ២០១៦ ជនរងគ្រោះឈ្មោះ ឈីម ឆន ភេទប្រុស អាយុ២៤ឆ្នាំ មុខរបរជាងអគ្គិសនី ស្នាក់នៅវត្តចិនដំដែក ផ្លូវព្រះស៊ីសវត្ថិ សង្កាត់ស្រះចក ខណ្ឌដូនពេញ រាជធានីភ្នំពេញ។ បាត់បង់ម៉ូតូម៉ាក SUZUKI NEX ១១០ ពណ៌ស ស៊េរីឆ្នាំ២០១៤ មួយគ្រឿង ពាក់ស្លាកលេខ ភ្នំពេញ ១FT-៥២៦៨។ និង លើកទី៣.លួចកាច់សោម៉ូតូម៉ាកហុងដាសេ១២៥ ពណ៌ខ្មៅ ស៊េរី២០១៨ មួយគ្រឿង ពាក់ស្លាកលេខ តាកែវ ១P-៦៩០៧ នៅចំណុចផ្ទះលេខ៩B ផ្លូវលំ ក្រុម១ ភូមិដំណាក់ធំ១ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ នៅថ្ងៃទី០១ មិថុនា ២០១៨ វេលាម៉ោងប្រហែល១១ និង៥០ព្រឹក។ ជនរងគ្រោះឈ្មោះ វណ្ណ ហ្សាវរីយ៍ ភេទប្រុស អាយុ២៥ឆ្នាំ មុខរបរបុគ្គលិកក្រុមហ៊ុន និងស្នាក់នៅផ្ទះជួលលេខ៩B ផ្លូវលំ ក្រុម១ ភូមិដំណាក់ធំ១ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។
បាត់បង់សម្ភារមាន ៖ ម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៨ ដែលមានពាក់ស្លាកលេខ តាកែវ ១P-៦៩០៧។ ជនសង្ស័យ ១.ឈ្មោះ ហេង ចំរើន ភេទប្រុស អាយុ៣១ ឆ្នាំ មុខរបរ និងស្នាក់នៅផ្ទះមិនចាំលេខ ផ្លូវជាតិលេខ៥ សង្កាត់ស្រះចក ខណ្ឌដូនពេញ រាជធានីភ្នំពេញ ។ ២-ឈ្មោះ ឆោម វាសនា ហៅវ៉េ ភេទប្រុស អាយុ៣៩ឆ្នាំ ជនជាតិខ្មែរ មុខរបរស្នាក់នៅផ្ទះមិនចាំលេខ ផ្លូវបេតុង ភូមិថ្មគោល សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ វត្ថុតាងចាប់យកកូបម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ ពាក់ស្លាកលេខ ភ្នំពេញ ១FR-២៨៥៣ ។ បាត់បង់ម៉ូតូម៉ាក MSX ពណ៌ស ពាក់ស្លាកលេខ ភ្នំពេញ ១FG-៧៥៨២ ដង្កាប់ , សោសម្រាប់ដោះខ្ចៅម៉ូតូ និងដែកសម្រាប់ឆ្កឹះសោម៉ូតូចំនួន០១ ពាក់ព័ន្ធប្រអប់ ក្រាមសថ្លា សង្ស័យជាគ្រឿងញៀន មួយកញ្ចប់តូច។ ជនសង្ស័យទាំងពីរនាក់ និងវត្ថុតាងខាងលើ សមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី៕
https://youtu.be/sYmDZKZH8lQ
ចែករំលែកព័តមាននេះ