អាមេរិក ៖ បើតាមម្តាយម្នាក់ដែលមកពីរដ្ឋ Tennessee ក្នុងសហរដ្ឋអាមេរិក បាននិយាយថា គាត់ព្យាយាមតស៊ូប្រឆាំងដែរ បន្ទាប់ពីមិត្តភក្តិរបស់កូនខ្លួនព្យាយាមបំពានផ្លូវភេទរបស់គាត់។ បើតាមប្រភពព័ត៌មាន Crime…
អាមេរិក ៖ បើតាមម្តាយម្នាក់ដែលមកពីរដ្ឋ Tennessee ក្នុងសហរដ្ឋអាមេរិក បាននិយាយថា គាត់ព្យាយាមតស៊ូប្រឆាំងដែរ បន្ទាប់ពីមិត្តភក្តិរបស់កូនខ្លួនព្យាយាមបំពានផ្លូវភេទរបស់គាត់។
បើតាមប្រភពព័ត៌មាន Crime Watch Daily បានឲ្យដឹងថា យុវជន Jordan Corter ដែលមានអាយុ១៨ឆ្នាំ ត្រូវបានចោទប្រកាន់ពីបទរំលោភ និងហិង្សាផ្លូវភេទ។
នគរបាលនៅខណ្ឌ Shelby បាននិយាយថា ពេលនោះ Corter បានគេងនៅផ្ទះរបស់មិត្តខ្លួន។ តាមសារព័ត៌មានក្នុងស្រុកបានឲ្យដឹងថា ម្តាយខាងលើបានយកគ្រឿងស្រវឹងទាំងអស់ទៅកាន់បន្ទប់ខ្លួន និងចាក់សោរជាប់។ ប្រមាណជាម៉ោង២និង៣០នាទីព្រឹក Corter បានងើបទៅគោះទ្វារម្តាយរបស់មិត្តខ្លួន។ ពេលដែលម្តាយរូបនេះបានបើកទ្វារ ស្រាប់តែយុវជននោះបានព្យាយាមចូលទៅកាន់បន្ទប់ រួចចាក់សោរ និងបំពានរាងកាយរបស់គាត់តែម្តង។
ស្ត្រីរងគ្រោះបានប្រាប់ដល់អ្នកស៊ើបអង្កេតថា គាត់បានសង្កត់យុវជនរូបនេះជាប់ រួចឈោងទៅយកកាំភ្លើងខ្លី និងបង្ខំឲ្យយុវជននេះចាកចេញ។ ហើយនៅថ្ងៃបន្ទាប់ស្ត្រីរងគ្រោះក៏បានទៅដាក់ពាក្យបណ្តឹង។ ចំណែក Corter បាននិយាយទាំងទឹកភ្នែកថា រូបគេមិនគួរត្រូវបានលើកលែងកំហុសឲ្យទេ៕
ចែករំលែកព័តមាននេះ