ដោះលែងជនប្រឆាំង២នាក់ ក្រោយជាប់ចោទពីបទប៉ុនប៉ងផ្ដួលរំលំរដ្ឋ
ប្រទេសវៀតណាម ៖ អ្នកការទូតអឺរ៉ុបម្នាក់ និងអង្គការសិទ្ធិមនុស្សមួយ រាយការណ៍កាល ពីថ្ងៃទី៨ មិថុនាថា អ្នកប្រឆាំងវៀតណាមម្នាក់លោក NGUYEN VAN…
ប្រទេសវៀតណាម ៖ អ្នកការទូតអឺរ៉ុបម្នាក់ និងអង្គការសិទ្ធិមនុស្សមួយ រាយការណ៍កាល ពីថ្ងៃទី៨ មិថុនាថា អ្នកប្រឆាំងវៀតណាមម្នាក់លោក NGUYEN VAN…
ប្រទេសវៀតណាម ៖ អ្នកការទូតអឺរ៉ុបម្នាក់ និងអង្គការសិទ្ធិមនុស្សមួយ រាយការណ៍កាល ពីថ្ងៃទី៨ មិថុនាថា អ្នកប្រឆាំងវៀតណាមម្នាក់លោក NGUYEN VAN DAI ជាមេធាវីមួយរូប ទទួលការកាត់ទោសកាលពី២ខែមុនដាក់គុក១៥ឆ្នាំ ពីបទប៉ុនប៉ងផ្ដួលរំលំរដ្ឋ ត្រូវបានដោះលែងកាលពីយប់ថ្ងៃទី៧ មិថុនា ហើយបានឡើងយន្តហោះមួយគ្រឿងទៅកាន់ប្រទេសអាល្លឺម៉ង់។
ក្រុមការពារសិទ្ធិមនុស្ស VIET TAN មានមូលដ្ឋាននៅសហរដ្ឋអាមេរិកបញ្ជាក់ថា ស្ថាបនិកក្រុមភាតរភាព ដើម្បីលទ្ធិប្រជាធិបតេយ្យរូបនេះ ត្រូវបានដោះលែងដំណាលគ្នានឹងសមាជិកម្នាក់ទៀតរបស់អង្គការនេះ គឺលោក LE THU HA ដែលទទួលការកាត់ទោសដាក់គុក៩ឆ្នាំ។ អង្គការ VIET TAN បន្តថា ភរិយាលោក DAI លោកស្រី VU MING KHANG ព្រមទាំងលោក HA បានជិះយន្តហោះជាមួយគ្នាទៅកាន់ទីក្រុង FRANCFORT អាល្លឺម៉ង់។
លោក DAI និងលោក HA ស្ថិតក្នុងចំណោមសមាជិក៦នាក់នៃក្រុមភាតរភាព ដែលរងការកាត់ទោសកាលពីខែមេសា របស់តុលាការក្រុងហាណូយមួយ ដែលកាត់ទោសពួកគេដាក់គុកពីបទធ្វើសកម្មភាពនានាប្រឆាំងរដ្ឋាភិបាល សំដៅផ្ដួលរំលំរដ្ឋ។ ពួកគេពុំបានប្ដឹងតវ៉ាទៅសាលាឧទ្ធរណ៍ឡើយ។
ទោះបីមានការកែទម្រង់សេដ្ឋកិច្ចខ្លាំងយ៉ាងណាក្ដី ក៏បក្សកុំមុយនីស្តវៀតណាមដែលកាន់អំណាច ត្រួតត្រាម៉ឺងម៉ាត់ជានិច្ចចំពោះការបញ្ចេញមតិ ហើយពុំអនុញ្ញាតឲ្យមានការរិះគន់ណាមួយឡើយ៕
ចែករំលែកព័តមាននេះ