តាមប្រភពព័ត៌មាន Marca បានឲ្យដឹងថា នៅឆ្នាំនេះមិនខុសពីឆ្នាំមុនប៉ុន្មានទេពាក់ព័ន្ធជាមួយនឹងរឿង Ronaldo ចង់ចេញពីក្លិប ។ តែឆ្នាំនេះមានភាពច្របូកច្របល់ជាង ។ គេកាន់តែមានការសង្ស័យខ្ពស់ក្រោយពេល…
តាមប្រភពព័ត៌មាន Marca បានឲ្យដឹងថា នៅឆ្នាំនេះមិនខុសពីឆ្នាំមុនប៉ុន្មានទេពាក់ព័ន្ធជាមួយនឹងរឿង Ronaldo ចង់ចេញពីក្លិប ។ តែឆ្នាំនេះមានភាពច្របូកច្របល់ជាង ។ គេកាន់តែមានការសង្ស័យខ្ពស់ក្រោយពេល Ronaldo និយាយបង្ហាញពីអារម្មណ៍នឹង Real Madrid ដោយប្រើប្រយោគជាទម្រង់អតីតកាល កាលពីចប់ប្រកួតវគ្គចុងក្រោយ Champions League ។
ដោយឡែកប្រធានក្លិប Florentino Perez បានប្រកាសថា លោកចង់ឲ្យ Ronaldo បន្តនៅ Real Madrid ទៀត ។ ម្យ៉ាងវិញទៀតកីឡាករព័រទុយហ្កាល់មួយរូបនេះ នៅជាប់កុងត្រាដល់ឆ្នាំ២០២១ ដែលមានថ្លៃផ្តាច់កុងត្រាដល់ទៅ១ពាន់លានអឺរ៉ូ ដែលវាជាតម្លៃមួយមិនគួរឲ្យស្មានដល់ ។
ទោះបីជាអីចឹងក៏ដោយ ក៏យើងឃើញថា Ronaldo មិនសូវជាសប្បាយចិត្តដែរ ក្នុងការលេងឲ្យក្លិបនេះ ដោយមានការខកចិត្តនឹងគ្មានអ្នកជួយពេលជួបបញ្ហាពន្ធ និងមានតម្លៃខ្លួនទាបជាកីឡាករខ្លាំងផ្សេងទៀត ដូចជា Neymar និង Messi ។
Real Madrid នៅតែមានទំនុកចិត្តថា Ronaldo នឹងបន្តលេងតទៅទៀតបើទោះបីជាក្លិបកំពុងតែសម្លឹងឃើញ Neymar ក៏ដោយ ៕
ចែករំលែកព័តមាននេះ