លោក DENNIS RODMAN គ្រោងមកកាន់សិង្ហបុរី ពេលប្រជុំកំពូល
សហរដ្ឋអាមេរិក ៖ កាសែតញូវយ៉កប៉ុស្តិ៍គូសបញ្ជាក់កាលពីថ្ងៃទី៥ មិថុនាថា អតីតកីឡាករបាល់បោះអាមេរិកក្រុម NBA លោក DENNIS RODMAN គ្រោងមកកាន់សិង្ហបុរី…
សហរដ្ឋអាមេរិក ៖ កាសែតញូវយ៉កប៉ុស្តិ៍គូសបញ្ជាក់កាលពីថ្ងៃទី៥ មិថុនាថា អតីតកីឡាករបាល់បោះអាមេរិកក្រុម NBA លោក DENNIS RODMAN គ្រោងមកកាន់សិង្ហបុរី ពេលមានកិច្ចប្រជុំកំពូលនៅទីនោះ រវាងមេដឹកនាំកូរ៉េខាងជើង លោកគីម ជុងអ៊ុន និងប្រធានាធិបតីអាមេរិក លោកដូណាល់ ត្រាំ។
យោងតាមកាសែតអាមេរិកនោះថា កីឡាកររូបនេះ ដែលគេស្គាល់ថាជាមិត្តជិតដិតរបស់លោកគីម ជុងអ៊ុន ត្រូវមកដល់សិង្ហបុរីមុនពេលចាប់ផ្ដើមកិច្ចប្រជុំកំពូលនេះ។
ប្រភពមួយនិយាយប្រាប់កាសែតញូវយ៉កប៉ុស្តិ៍ថា ប្រទេសនានាចង់បានឯកអគ្គរដ្ឋទូតសុឆន្ទៈ និងថា ទោះជាយល់ស្របតាមឬអត់ លោក DENNIS RODMAN បានបំពេញករណីនេះ។
ជាច្រើនលើក លោកRODMAN ប៉ុនប៉ងឲ្យមានការខិតចូលជិតគ្នារវាង លោកគីម ជុងអ៊ុន និងបណ្ដាមេដឹកនាំអាមេរិក។ កាលពីឆ្នាំ២០១៤ លោកធ្លាប់ជួបជាមួយលោកត្រាំ ក្រោយពីលោកត្រាំអះអាងថា ចង់ទៅកូរ៉េខាងជើង ដើម្បីជួបជាមួយលោកគីមជុងអ៊ុន។
រួចនាពេលថ្មីៗនេះក្នុងបទសម្ភាសន៍មួយ ជាមួយទូរទស្សន៍ TMZ កាលពីខែមេសាឆ្នាំ២០១៨ លោក RODMAN ក៏អះអាងដែរ ពីឆន្ទៈរបស់លោកចង់ដើរតួនាទីជាឯកអគ្គរដ្ឋទូតកីឡាសម្រាប់កូរ៉េខាងជើង ៕
ចែករំលែកព័តមាននេះ