រាជធានីភ្នំពេញ ៖ កម្លាំងនគរបាលព្រហ្មទណ្ឌខណ្ឌចំការមនបានឃាត់ខ្លួនជនសង្ស័យម្នាក់ជិះម៉ូតូមួយគ្រឿងម៉ាកស្មាស ធ្វើសកម្មភាពឆក់កាបូបស្ត្រីជនជាតិបរទេសកំពុងដើរតាមផ្លូវ កាលពីវេលាម៉ោង១០និង១៥នាទីយប់ថ្ងៃទី៧ ខែមិថុនា ឆ្នាំ២០១៨ តាមបណ្តោយផ្លូវ៥១កែងផ្លូវ២៧៨ នៅចំណុចម្តុំបឹងកេងកង ស្ថិតនៅក្នុងសង្កាត់បឹងកេងកង១…
រាជធានីភ្នំពេញ ៖ កម្លាំងនគរបាលព្រហ្មទណ្ឌខណ្ឌចំការមនបានឃាត់ខ្លួនជនសង្ស័យម្នាក់ជិះម៉ូតូមួយគ្រឿងម៉ាកស្មាស ធ្វើសកម្មភាពឆក់កាបូបស្ត្រីជនជាតិបរទេសកំពុងដើរតាមផ្លូវ កាលពីវេលាម៉ោង១០និង១៥នាទីយប់ថ្ងៃទី៧ ខែមិថុនា ឆ្នាំ២០១៨ តាមបណ្តោយផ្លូវ៥១កែងផ្លូវ២៧៨ នៅចំណុចម្តុំបឹងកេងកង ស្ថិតនៅក្នុងសង្កាត់បឹងកេងកង១ ខណ្ឌចំការមន ។
ជនសង្ស័យដែលសមត្ថកិច្ចឃាត់ខ្លួនឈ្មោះសៅ ពៅ ភេទប្រុស អាយុ២៩ឆ្នាំ ស្នាក់នៅម្តុំស្ទឹងមានជ័យ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ កម្លាំងនគរបាលព្រហ្មខណ្ឌចំការមនកំពុងល្បាតនៅចំណុចកើតហេតុខាងលើ ក៏ស្រាប់តែប្រទះឃើញជនសង្ស័យម្នាក់ជិះម៉ូតូមួយគ្រឿងម៉ាកស្មាស ពណ៌ខ្មៅ ពាក់ស្លាកលេខ ពោធិ៍សាត់ ១A-៣៤៦៥ បើកបរមកតាមបណ្តោយផ្លូវ៥១ ក្នុងទិសដៅពីត្បូងទៅជើង ហើយពេលជនសង្ស័យបានឃើញជនជាតិបរទេសប្រុសស្រី៥ទៅ៦នាក់កំពុងតែដើរនិយាយគ្នាតាមផ្លូវ ពេលនោះជនសង្ស័យបានធ្វើសកម្មភាពឆក់កាបូបពីស្ត្រីម្នាក់បានសម្រេច ហើយជិះម៉ូតូគេចខ្លួន ប៉ុន្តែត្រូវបានកម្លាំងព្រហ្មទណ្ឌខណ្ឌចំការមនដេញប៉ផាប់ចាប់ពភីង ពេលនោះជនសង្ស័យក៏បានបោះកាបូបចោលនៅម្តុំមុខក្រុមហ៊ុនមួយកន្លែង រួចបើកម៉ូតូដល់ផ្លូវ២១៥ នៅម្តុំខារ៉ាអូខេមួយកន្លែង ក៏ត្រូវកម្លាំងព្រហ្មទណ្ឌក្របួចបានយកទៅប៉ុស្តិ៍បឹងកេងកង១ដើម្បីសួរនាំ ។
ពេលទៅដល់ប៉ុស្តិ៍នគរបាលបឹងកេងកងទី១ ជនសង្ស័យបានឆ្លើយសារភាពប្រាប់សមត្ថកិច្ចថា ខ្លួនពិតជាបានធ្វើសកម្មភាពឆក់កាបូបស្ត្រីជនជាតិបរទេសប្រាកដមែន ។
ក្រោយពេលកើតហេតុ ស្ត្រីជាជនជាតិបរទេសបានទៅដាក់ពាក្យបណ្តឹងនៅប៉ុស្តិ៍បឹងកេងកង១ដើម្បីឱ្យសមត្ថកិច្ចកសាងសំណុំរឿងបញ្ជូនខ្លួនជនសង្ស័យខាងលើទៅកាន់តុលាការដើម្បីចាត់ការទៅតាមនីតិវិធី ៕
ចែករំលែកព័តមាននេះ