ផ្ទុះធុងហ្គាសនៅសាលាដុនបូស្កូ ស្លា.ប់ម្នាក់របួស៧នាក់
- ព្រះសីហនុ
ខេត្តព្រះសីហនុ ៖ ប្រភពព័ត៌មានពីសមត្ថកិច្ចបានឲ្យដឹងថា កាលពីវេលាម៉ោងជិត២រសៀល ថ្ងៃ៧ មិថុនា ២០១៨នេះ នៅក្នុងសាលាបច្ចេកទេស ដុនបូស្កូ ដែលមានទីតាំង…
ខេត្តព្រះសីហនុ ៖ ប្រភពព័ត៌មានពីសមត្ថកិច្ចបានឲ្យដឹងថា កាលពីវេលាម៉ោងជិត២រសៀល ថ្ងៃ៧ មិថុនា ២០១៨នេះ នៅក្នុងសាលាបច្ចេកទេស ដុនបូស្កូ ដែលមានទីតាំង ក្នុងក្រុម១៨ ភូមិ៥ សង្កាត់៤ ក្រុងព្រះសីហនុ មានករណីផ្ទុះធុងហ្គាស នៅរោងជាងក្រឡឹងមួយកន្លែង បណ្តាលឲ្យមនុស្សម្នាក់ស្លាប់បែកសាកសពខ្ទេចខ្ទី និងមនុស្ស៧នាក់ផ្សេងទៀតរងរបួស។ ជនរងគ្រោះដែលស្លាប់នោះឈ្មោះ សេង សារ៉ាត់ ភេទប្រុស អាយុ៣៥ឆ្នាំ មុខរបរប្រធានផ្នែកជាងក្រឡឹង មានទីលំនៅ ស្នាក់នៅផ្ទះជួលក្រុម១០ ភូមិ៣ សង្កាត់១ ក្រុងខេត្តព្រះសីហនុ។ សមត្ថកិច្ចបន្ថែមថា ចំណែកអ្នករបួសទាំង៧នាក់ រួមមាន៖
១-ឈ្មោះ អៀង សុធា ភេទប្រុស អាយុ៤២ឆ្នាំ មុខរបរ ជំនាញរថយន្ត
២-ឈ្មោះ ជុំ វណ្ណជិន ភេទប្រុស អាយុ២៩ឆ្នាំ មុខរបរ ជំនាញរថយន្ត (របួសធ្ងន់)
៣-ឈ្មោះ នូច វណ្ណា ភេទប្រស អាយុ៣០ឆ្នាំ មុខរបរ គ្រូផ្នែកមេកានិច
៤-ឈ្មោះ សយ គឹមហ៊ូ ភេទប្រុស អាយុ២០ឆ្នាំ មុខរបរ ផ្នែកមេកានិច
៥- ឈ្មោះ ស្ងួន សារត្ន័ ភេទប្រុស អាយុ២០ឆ្នាំ មុខរបរ ផ្នែកមេកានិច
៧-ឈ្មោះ ម៉ួង វណ្ណៈ ភេទប្រុស អាយុ២០ឆ្នាំ មុខរបរ ផ្នែកមេកានិច
៧-ឈ្មោះ ម៉ី សុភា ភេទប្រុស អាយុ២០ឆ្នាំ មុខរបរ ផ្នែកមេកានិច។
កម្លាំងជំនាញនៃការិយាល័យបច្ចេកទេស វិទ្យាសាស្ត្រ បានចុះពិនិត្យកន្លែងដែលមានការផ្ទុះធុងហ្គាស់ ហើយបានធ្វើការសន្និដ្ឋានឃើញថា ការផ្ទុះនេះមិនមែនមកពីផ្ទុះធុងហ្គាស់ទេ គឺបណ្តាលមកពីការផ្ទុះធុងខ្យល់ផ្សារ ដោយសមត្ថកិច្ចយើងបានរកឃើញក្បាលធុងខ្យល់ គឺកម្លាំងខ្យល់ឡើងទៅដល់១៧០គីឡូ។ ករណីនេះដែរ ប្រហែលមកពីការធ្វសប្រហែស ដាក់ធុងហ្គាស់ និងធុងខ្យល់ នៅជិតគ្នាពេលកំពុងផ្សារ ហើយកម្តៅដែលចេញពីក្បាលមាន់ផ្សារនោះ ធ្វើឲ្យកម្តៅជះទៅលើធុងខ្យល់ ធ្វើឲ្យធុងខ្យល់រីកមាឌក៏បង្កឲ្យមានហេតុផ្ទុះនេះកើតឡើង៕
ចែករំលែកព័តមាននេះ