ខេត្តត្បូងឃ្មុំ ៖ ផ្លូវច្រកដូង៧ដើម ស្ថិតនៅឃុំដារ ស្រុកមេមត់ បានបើកកាស៊ីណូមួយកន្លែងដោយបាន ដំណើរការប្រមាណកន្លះខែនេះទេ ភាគច្រើន៩០ភាគរយសុទ្ធតែខ្មែរចូលលេង ក្នុងនោះមាន អ្នកស្រុកទីនោះ…
ខេត្តត្បូងឃ្មុំ ៖ ផ្លូវច្រកដូង៧ដើម ស្ថិតនៅឃុំដារ ស្រុកមេមត់ បានបើកកាស៊ីណូមួយកន្លែងដោយបាន
ដំណើរការប្រមាណកន្លះខែនេះទេ ភាគច្រើន៩០ភាគរយសុទ្ធតែខ្មែរចូលលេង ក្នុងនោះមាន
អ្នកស្រុកទីនោះ និងរថយន្តមកពីចម្ងាយផងដែរ។ គេមានចម្ងល់ថា តាមច្បាប់គឺអនុញ្ញាតឲ្យតែជនបរទេស ទៅចូលលេងតែប៉ុណ្ណោះ ចុះហេតុអ្វីបានជាមិនទប់ស្កាត់មិនឲ្យខ្មែរចូលលេងផង? ដូនចាស់វ័យជាង ៧០ឆ្នាំម្នាក់ រស់នៅឃុំដារ បានប្រាប់ឲ្យដឹងថា កាលពីមុនមកក្នុងឃុំរបស់គាត់មិនដែលឃើញមានគេ បើកលេងល្បែងស៊ីសងយ៉ាងគគ្រឹកគគ្រេងនោះទេ គឺឲ្យតែដល់ពេលរដូវបុណ្យចូលឆ្នាំម្តងៗគាត់បាន ឃើញគេលេងចាក់ខ្លាឃ្លោក នៅតាមផ្ទះតែប៉ុណ្ណោះ។ នៅច្រកដូង៧ដើមបើកល្បែងបែបនេះគាត់មាន ក្តីព្រួយបារម្ភខ្លាចអ្នកដែលញៀនល្បែងចាញ់អស់លុយកាក់ ដើរប្រព្រឹត្តអំពើលួចទ្រព្យរបស់គេនៅតាមផ្ទះ ដើម្បីធ្វើយ៉ាងណាឲ្យបានលុយទៅលេងល្បែងទៀត។
ក្នុងនាមគាត់ជាប្រជាពលរដ្ឋម្នាក់មិនមានសិទ្ធ ហាមឃាត់គេ កុំឲ្យទៅលេងល្បែងនោះឡើយ។ លោក ថាំង សារឿន មេឃុំដារ ប្រាប់ឲ្យដឹងនៅព្រឹក ថ្ងៃទី០៧ មិថុនា ២០១៨ថា ប្រមាណជាង២ខែនេះ មានគេកាន់ច្បាប់មកឲ្យគាត់ចុះហត្ថលេខា ដើម្បីបើកកាស៊ីណូនៅច្រកដូងដើម ស្ថិតនៅឃុំដារ ស្រុកមេមត់។ ចំពោះពលរដ្ឋខ្មែរដែលនាំគ្នាចូល ទៅលេងល្បែងនៅកាស៊ីណូខាងលើនេះ រូបលោកមិនទាន់ដឹងនូវឡើយទេ ព្រោះមិនទាន់មានអ្នកណា រាយការណ៍ប្រាប់ទាល់តែសោះ។ អាចនិយាយថា គេមានអាជ្ញាប័ណ្ណត្រឹមត្រូវ ដូច្នេះខ្មែរចូលទៅលេង បានដោយមិនអាចហាមឃាត់បានសម្អាងថា គេមានច្បាប់អនុញ្ញាត។ សូមបញ្ជាក់ថា នៅច្រកត្រពាំងផ្លុង ឃុំត្រពាំងផ្លុង ស្រុកពញក្រែក មានកាស៊ីជាច្រើនកន្លែងក្នុងនោះមានដូចជា ហេង ហេង។ កាស៊ីណូ៧ជាន់ ជីអ៊ឹមជី ដែលមានសំណង់អាគារបេតុងត្រឹមត្រូវហៅថាកាស៊ីណូទើបសមហេតុផល ក្នុងនោះក៏មានកាស៊ីណូខ្លះបានក្ស័យធន បានបិទទ្វារចោលផងដែរ។
ចំណែកកាស៊ីណូនៅច្រកដូង ៧ដើម ឃុំដារ ស្រុកមេមត់ ទីនោះកាលពីមុនគ្រាន់តែជាឃ្លាំងមួយសង់នៅផ្ទាល់ដី ក្នុងតំបន់អភិវឌ្ឍន៍ របស់លោកឧកញ៉ាម្នាក់ ហៅថាកាស៊ីណូដែរ ហាក់បីដូចជាមិនសម ហើយស្លាកក៏មិនបានលើកបង្ហាញ ទៅពីខាងមុខឲ្យសាធារណៈជនបានឃើញដែរ។ នៅរសៀលថ្ងៃទី៧ មិថុនា ២០១៨ មិនអាចសុំការបំភ្លឺ ណាមួយ ពីភាគីម្ចាស់កាស៊ីណូនៅច្រកដូង៧ដើមនេះបានទេ។ តាមធម្មតាច្បាប់កាស៊ីណូបើកលេង នៅត្រង់កន្លែងណាមួយជាប់ព្រំដែន គេមិនអនុញ្ញាតឲ្យពលរដ្ឋខ្មែរចូលទៅលេងឡើយគឺបានតែ ជនបរទេសប៉ុណ្ណោះ តែទីនេះបានពង្វក់ខ្មែរឲ្យចូលលេងដោយសេរីតែម្តង៕
ចែករំលែកព័តមាននេះ