ខេត្តព្រះសីហនុ ៖ សេចក្តីរាយការណ៍បឋមបានឱ្យដឹងថា មានហេតុការណ៍ដ៏ភ្ញាក់ផ្អើលមួយ ក្រោយពី
កើតករណីផ្ទុះធុងហ្គាសលាន់ឡើងកក្រើកដីនៅក្នុងសាលាបច្ចេកទេស «ដុនបូស្កូ» បណ្តាលឱ្យបុរសម្នាក់
ជាប្រធានផ្នែកជាងក្រឡឹងត្រូវស្លាប់យ៉ាងអាណោចអាធ័មបំផុត និងមនុស្ស៧នាក់ទៀត បានរងរបួសធ្ងន់-ស្រាល ។ ហេតុការណ៍ដ៏រន្ធត់នេះ កើតឡើងកាលពីវេលាម៉ោងជាង០១រសៀលថ្ងៃទី០៧ មិថុនា ស្ថិតនៅក្រុម១៨ ក្នុងភូមិ៥ សង្កាត់លេខ៥ ក្រុងព្រះសីហនុ ។
សេចក្តីរាយការណ៍បន្តថា ជំហានដំបូង នៅមិនទាន់ដឹងពីមូលហេតុនោះទេ ។ ដោយឡែក ជនរងគ្រោះដែលស្លាប់ មានឈ្មោះសេង សារ៉ាត់ ភេទប្រុស អាយុ៣៥ឆ្នាំ ជាប្រធានផ្នែកជាងក្រឡឹងប្រចាំសាលាបច្ចេកទេសខាងលើ ដោយត្រូវខ្ទេចខ្ទីដងខ្លួនតែម្តង ។ រីឯជនរងគ្រោះទាំង៧នាក់ ត្រូវបានដឹកបញ្ជូនទៅសង្គ្រោះភ្លាមៗ ដោយនៅមិនស្គាល់អត្តសញ្ញាណនៅឡើយ ។
ព័ត៌មានលម្អិតនឹងផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ