អវកាសយានិក៣រូបទៅកាន់ ISS
ប្រទេសរុស្ស៊ី ៖ ក្រោយទទួលការហ្វឹកហ្វឺនរយៈពេល២៥០ថ្ងៃ អវកាសយានិករុស្ស៊ី១រូប អវកាសយានិកអាមេរិកម្នាក់ និងអាល្លឺម៉ង់ម្នាក់ កាលពីថ្ងៃទី៦ មិថុនា បានធ្វើដំណើរចាកចេញពីវាលស្មៅ STEPPES…
ប្រទេសរុស្ស៊ី ៖ ក្រោយទទួលការហ្វឹកហ្វឺនរយៈពេល២៥០ថ្ងៃ អវកាសយានិករុស្ស៊ី១រូប អវកាសយានិកអាមេរិកម្នាក់ និងអាល្លឺម៉ង់ម្នាក់ កាលពីថ្ងៃទី៦ មិថុនា បានធ្វើដំណើរចាកចេញពីវាលស្មៅ STEPPES ប្រទេសកាហ្សាក់ស្ថាន តាមយានអវកាស SOYOUZ ទៅកាន់ស្ថានីយអវកាសអន្តរជាតិ ISS ។
ការបាញ់បង្ហោះកាំជ្រួច MS-09 បញ្ជូនយាន SOYOUZ ដែលក្នុងនោះមានអវកាសយានិករុស្ស៊ី លោក SERGUEI PROKOPIEV អវកាសយានិកអាមេរិក លោកស្រីSERENA AUNON CHANCELLOR និងអវកាសយានិកអាល្លឺម៉ង់លោក ALEXANDER GERST ប្រព្រឹត្តទៅប្រកបដោយជោគជ័យ ចេញពីមជ្ឈមណ្ឌលបាញ់បង្ហោះយានអវកាស បៃកូនួរ តាមពេលម៉ោងគ្រោងទុកនាវេលាម៉ោង១១និង១២នាទីម៉ោងសកល។
ពួកគេត្រូវទៅដល់ស្ថានីយ ISS នាថ្ងៃទី៨ មិថុនា សម្រាប់បេសកកម្មមួយមានរយៈពេលប្រមាណ៥ខែ។ នេះជាបេសកកម្មនៅទីអវកាសលើកដំបូងរបស់លោកស្រី SERENA AUNON CHANCELLOR អាយុ៤២ឆ្នាំ ដែលក៏ជាគ្រូពេទ្យផងដែរ។ អវកាសយានិកអាល្លឺម៉ង់លោក ALEXANDER GERST អាយុ៤២ឆ្នាំ ធ្លាប់ស្នាក់នៅក្នុងស្ថានីយ ISSកាលពីឆ្នាំ២០១៤។ ចំណែកអវកាសយានិករុស្ស៊ី លោក SERGUEI PROKOPIEV ជាមេបញ្ជាការធ្លាប់ទៅកាន់ទីអវកាសដំបូង ពេលលោកមានអាយុ៤៣ឆ្នាំ។
អវកាសយានិកទាំង៣រូបនេះ នឹងទៅជួបនៅស្ថានីយ ISSជាមួយអវកាសយានិកអាមេរិក២រូប និងអវកាសយានិករុស្ស៊ីម្នាក់ ដែលប្រចាំការនៅទីនោះចាប់តាំងពីថ្ងៃទី២១ មីនាមក៕
ចែករំលែកព័តមាននេះ