រាជធានីភ្នំពេញ ៖ បុរសម្នាក់បើកបររថយន្តមួយគ្រឿង បើកបរក្នុងស្ថានភាពស្រវឹងជោក ហើយបើកយ៉ាងលឿនបួងចង្កូតទៅបុកខឿនសួនច្បារក្តាន់ពីរជ្រុលទៅបុកបង់ថ្មអង្គុយលេង និងកៀបជាប់មែកដើមចំប៉ីទៅមុខលែងរួច ហេតុការណ៍នេះបានកើតឡើងកាលពីវេលាម៉ោង៣និង១៥នាទីទៀបភ្លឺថ្ងៃទី៧ ខែមិថុនា ឆ្នាំ២០១៨ តាមបណ្តោយផ្លូវ១៦៩…
រាជធានីភ្នំពេញ ៖ បុរសម្នាក់បើកបររថយន្តមួយគ្រឿង បើកបរក្នុងស្ថានភាពស្រវឹងជោក ហើយបើកយ៉ាងលឿនបួងចង្កូតទៅបុកខឿនសួនច្បារក្តាន់ពីរជ្រុលទៅបុកបង់ថ្មអង្គុយលេង និងកៀបជាប់មែកដើមចំប៉ីទៅមុខលែងរួច ហេតុការណ៍នេះបានកើតឡើងកាលពីវេលាម៉ោង៣និង១៥នាទីទៀបភ្លឺថ្ងៃទី៧ ខែមិថុនា ឆ្នាំ២០១៨ តាមបណ្តោយផ្លូវ១៦៩ នៅចំណុចសួនច្បារក្តាន់ពីរ ស្ថិតនៅក្នុងមិត្តភាព ខណ្ឌ៧មករា ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញរថយន្តបង្កមួយគ្រឿងម៉ាកកាមរីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ ២U-៦៧១៧ បើកបរដោយបុរសម្នាក់ក្នុងស្ថានភាពស្រវឹង បើកបរតាមបណ្តោយផ្លូវ១៦៩ ក្នុងទិសដៅពីត្បូងទៅជើង ខណៈពេលបើកមកដល់ចំណុចកើតហេតុគោលបំណងបត់ស្តាំទៅតាមផ្លូវទីស្តីគណៈរដ្ឋមន្ត្រី ដោយសារតែអ្នកបើកបរស្រវឹងខ្លាំងពេកបួងចង្កូតមិនផុតក៏ជ្រុលទៅបុកខឿនសួនច្បារ ហើយឡើងលើសួនច្បារបុកបង់ថ្មសម្រាប់អង្គុយលេងបាក់អស់មួយជំហៀងហើយជ្រុលទៅបុកគៀបជាប់នឹងមែកដើមចំប៉ីទៅមុខលែងរួច ចំណែកអ្នកបើកបររត់គេចខ្លួនបាត់ស្រមោល។ ក្នុងហេតុការណ៍នេះមិនបណ្តាលឱ្យអ្នកណាម្នាក់រងរបួសនោះទេ ។
ក្រោយពេលកើតហេតុ រថយន្តបង្កត្រូវបានសមត្ថកិច្ចស្ទូចយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយទៀត៕
ចែករំលែកព័តមាននេះ