ខេត្តព្រះសីហនុ ៖ មនុស្សប្រុស-ស្រីចំនួន៤នាក់បានរងរបួសធ្ងន់ និងម្នាក់រងរបួសស្រាល ក្នុងហេតុការណ៍រថយន្តដឹកត្រីធុនធំ បុកជាមួយនឹងរថយន្តសាំយ៉ុងក្នុងទិសដៅបញ្ច្រាសគ្នា កាលពីវេលាម៉ោង៦និង៤០នាទីព្រឹកថ្ងៃទី៦ ខែមិថុនានៅលើផ្លូវជាតិលេខ៤ ចន្លោះគីឡូម៉ែត្រលេខ២០៧និងលេខ២០៨ ស្ថិតក្នុងភូមិស្មាច់ដែងឃុំរាម…
ខេត្តព្រះសីហនុ ៖ មនុស្សប្រុស-ស្រីចំនួន៤នាក់បានរងរបួសធ្ងន់ និងម្នាក់រងរបួសស្រាល ក្នុងហេតុការណ៍រថយន្តដឹកត្រីធុនធំ បុកជាមួយនឹងរថយន្តសាំយ៉ុងក្នុងទិសដៅបញ្ច្រាសគ្នា កាលពីវេលាម៉ោង៦និង៤០នាទីព្រឹកថ្ងៃទី៦ ខែមិថុនានៅលើផ្លូវជាតិលេខ៤ ចន្លោះគីឡូម៉ែត្រលេខ២០៧និងលេខ២០៨ ស្ថិតក្នុងភូមិស្មាច់ដែងឃុំរាម ស្រុកព្រៃនប់ ។
ប្រភពព័ត៌មានពីសមត្ថកិច្ចឲ្យដឹងថា ដោយរថយន្តដឹកត្រីម៉ាកហុីយ៉ាន់ដាយ ក្បាលពណ៌ស ពាក់ផ្លាកលេខ កំពត ៣A-០៧៨៦ ធ្វើដំណើរក្នុងទិសដៅពីភ្នំពេញទៅខេត្តព្រះសីហនុ អ្នកបើកបរគេចខ្លួនបាត់ក្រោយកើតហេតុ ។ ខណៈទៅដល់ចំណុចខាងលើ រថយន្តនេះបានជែងរថយន្តមួយគ្រឿង ក៏ជ្រុលទៅបុកជាមួយរថយន្តសាំយ៉ុងពណ៌ម្បកឪឡឹក ពាក់ផ្លាកលេខ ភ្នំពេញ ២L- ៣១៨៩ ជារថយន្តឈ្នួលដែលកំពុងធ្វើដំណើរបញ្ច្រាសទិសគ្នា ។
គ្រោះថ្នាក់នេះ បណ្តាលឲ្យអ្នកជិះក្នុងរថយន្តសាំយ៉ុងរងរបួសធ្ងន់៤នាក់ និងស្រាលម្នាក់ រួមមាន ៖១-ឈ្មោះ សួន ស៊ីនេត ភេទប្រុស អាយុ៣០ឆ្នាំ មានទីលំនៅភូមិបត់គគីរ ឃុំអូរឧកញ៉ាហេង ស្រុកព្រៃនប់ រងរបួសធ្ងន់២-ឈ្មោះ ដែង ធារៈ ភេទស្រី អាយុ២២ឆ្នាំ មានទីលំនៅក្នុងឃុំងន ស្រុកសណ្តាន់ ខេត្តកំពង់ធំ រងរបួសធ្ងន់៣-ឈ្មោះ កង វីន ភេទប្រុស អាយុ២៨ឆ្នាំ មានទីលំនៅក្នុងឃុំងនដូចគ្នា រងរបួសធ្ងន់ ៤-ឈ្មោះ សឿន យ៉ុន ភេទប្រុស អាយុ៥២ឆ្នាំ ជាយោធានៅអង្គភាពឆត្រយោងនៅ៩១១របួសមធ្យម និង៥-មិនស្គាល់អត្តសញ្ញាណរងរបួសស្រាល ៕
ចែករំលែកព័តមាននេះ