ចុះពិនិត្យ និងហ្វឹកហាត់ដល់់កងកម្លាំងដើម្បីការពារថ្ងៃបោះឆ្នោតខាងមុខ
- សៀមរាប
ខេត្តសៀមរាប ៖ កាលពីថ្ងៃទី៥ ខែមិថុនា ឆ្នាំ២០១៨នេះ លោកឧត្តមសេនីយ៍ត្រី កែវ រក្សា និងលោកឧត្តមសេនីយ៍ត្រី អ៊ុំ…
ខេត្តសៀមរាប ៖ កាលពីថ្ងៃទី៥ ខែមិថុនា ឆ្នាំ២០១៨នេះ លោកឧត្តមសេនីយ៍ត្រី កែវ រក្សា និងលោកឧត្តមសេនីយ៍ត្រី អ៊ុំ ចំរើន ស្នងការរងនគរបាលខេត្ត និងសហការី បានចុះទៅត្រួតពិនិត្យដល់កងកម្លាំងនៅអធិ
ការដ្ឋាននគរបាលស្រុកស្រីស្នំ និងធ្វើការហ្វឹកហាត់ជូនដល់កម្លាំងនូវទ្រឹស្តី កាយវិការ និងលំហាត់របៀបជាក់ស្តែង យុទ្ធវិធីបច្ចេកទេសប្រើប្រាស់អាវុធ ដំបង និង ខែល ដើម្បីឱ្យកងកម្លាំងបានយល់កាន់តែច្បាស់លាស់ឈានទៅអនុវត្តក្នុងកិច្ចការពាររក្សាបាននូវសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋឱ្យបានកាន់តែល្អប្រសើរថ្វេរឡើងថែមទៀតផង ដោយមានការចូលរួមពីកងកម្លាំងប្រជាការពារ និងនគរបាលសរុបចំនួន១៨០នាក់។
ក្នុងឱកាសនោះដែរ លោកឧត្តមសេនីយ៍ត្រី កែវ រក្សា ស្នងការរងខេត្ត បានមានប្រសាសន៍ថា ដោយអនុវត្តតាមការណែនាំពីសំណាក់លោកឧត្ដមសេនីយ៍ត្រីស្នងការនគរបាលខេត្តបានឱ្យលោក និងក្រុមការងារ មានទិសដៅ និងផែនការចុះធ្វើការត្រួតពិនិត្យ និងហ្វឹកហាត់ដល់កងកម្លាំងនគរបាលទាំងអស់នៅតាមបណ្ដាអធិការដ្ឋាននគរបាលក្រុង-ស្រុកចំណុះស្នងការ ដើម្បីត្រៀមចេញជួយអន្តរាគមន៍ដល់បងប្អូនប្រជាពលរដ្ឋក្នុងហេតុការណ៍ណាមួយដែលអាចកើតឡើងជាយថាហេតុ ក៏ដូចជាការបង្ការទប់ស្កាត់ និងបង្ក្រាបរាល់បទល្មើសឱ្យបានល្អ ពិសេសការពារនៅក្នុងកិច្ចដំណើរការបោះឆ្នោតនីតិកាលទី៦នាពេលខាងមុខ ឱ្យប្រព្រឹត្តទៅបានដោយរលួន ដោយគ្មានការគំរាមកំហែង ការបំភិតបំភ័យ គ្មានអំពើហិង្សា ឱ្យមានភាពសុក្រិត្យ ត្រឹមត្រូវ យុត្តិធម៌ និងមានតម្លាភាពផងដែរ៕
ចែករំលែកព័តមាននេះ