ខេត្តព្រះសីហនុ ៖ តំបន់សេដ្ឋកិច្ចពិសេសថ្មីមួយទៀត និងលេចចេញជារូបរាងក្នុងឃុំជើងគោ ស្រុកព្រៃនប់ នាពេលឆាប់ៗខាងមុខនេះ បន្ទាប់ស្តីពីការបង្កើតនេះត្រូវបានបើកកិច្ចប្រជុំពិភាក្សាគ្នាមួយ រវាងតំណាង ក្រុមហ៊ុនជាមួយនឹងក្រុមកាងាររបស់ក្រុមប្រឹក្សាអភិវឌ្ឍន៍កម្ពុជា ដែលមានសមាសភាពចូលរួមថ្នាក់ខេត្ត ស្រុក និងស្ថាប័នពាក់ព័ន្ធ មួយព្រឹកពេញនាថ្ងៃទី៦ មិថុនា ២០១៨នេះ នៅទីតាំងក្នុងឃុំជើងគោ ស្រុកព្រៃនប់ ខេត្តព្រះសីហនុ។ យោងតាមកិច្ចប្រជុំពិភាក្សារលើគំរោងអភិវឌ្ឍន៍តំបន់សេដ្ឋកិច្ចពិសេស នាពេលនោះ ផ្ទៃដីសរុបចំនួន១២៨ហិកតា ជាប់ផ្លូវជាតិលេខ៤ ស្ថិតក្នុងឃុំជើងគោ ស្រុកព្រៃនប់ ត្រូវបានក្លាយជាចំណុចគោលដៅបង្កើតតំបន់សេដ្ឋកិច្ចថ្មីមួយទៀតក្នុងពេលឆាប់ៗខាងមុខនេះ។
ហើយតំបន់ថ្មីមួយនេះនឹងអាចស្រូបយកកម្មករកម្មការីនីរាប់ពាន់ឈានដល់រាប់ម៉ឺននាក់ មកបម្រើកាងារនៅទីនោះ។ ពាក់ព័ន្ធនឹងគម្រោងនេះ លោក សរ កក្កដា អភិបាលស្រុកព្រៃនប់ បានឲ្យយដឹងថា នេះជាគម្រោងកសាងនូវតំបន់សេដ្ឋកិច្ចថ្មីមួយទៀតសម្រាប់ក្នុងស្រុកព្រៃនប់ ស្របពេលដែលបច្ចុប្បន្ន ក្នុងស្រុកព្រៃនប់នេះ មានតំបន់សេដ្ឋកិច្ចពិសេសមួយនៅក្នុងឃុំបិតត្រាំង ដែលមានរោងចក្រនៅក្នុងនោះមានជាង១០០រោងចក្រ និងមានកម្មករកម្មការីនីសរុបជាង២ម៉ឺននាក់ ហើយមានចម្ងាយពីប្រមាណជា៥០គីឡូម៉ែត្រពីទីតាំងគម្រោងកសាងថ្មីនេះ។
លោកអភិបាលស្រុក បានបន្តទៀតថា សម្រាប់ស្រុកព្រៃនប់ សូមស្វាគមន៍ និងគាំទ្រចំពោះការកសាងនូវតំបន់សេដ្ឋកិច្ចថ្មី មួយទៀតក្នុងស្រុកព្រៃនប់ ដែលបង្ហាញពីការអភិវឌ្ឍនៅក្នុងស្រុក ក្នុងការបម្រើផលប្រយោជន៍ជូន ប្រជាពលរដ្ឋ ក្រោមដំបូលសន្តិភាព និងស្របតាមទិសដៅរបស់ប្រមុខរាជរដ្ឋាភិបាល ដែលមានសម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា។ សូមបញ្ចាក់ថា ក្រៅតែពីតំបន់សេដ្ឋកិច្ចពិសេសបិតត្រាំង ក៏មានរោងចក្រមួយចំនួនទៀតដែលកំពុងដំណើរការ។ ជាក់ស្តែងរោងចក្រម៉ែនអ៊ូ មានទីតាំងនៅក្នុងឃុំអណ្តូងថ្ម ស្រុកព្រៃនប់ បច្ចប្បន្នមានកម្មករ កម្មការីនីជិត២០០០នាក់ ដែលនឹងកំពុងបម្រើការនៅក្នុងរោងចក្រ ស្របពេលដែលរោងចក្របារីថ្មី មួយទៀតមានទីតាំងនៅក្បែនោះ ក៏កំពុងជិតបានដំណើរដែរហើយ៕
ចែករំលែកព័តមាននេះ