តើអ្នកជឿមិនជឿថាយុគសម័យបច្ចេកវិទ្យាព័ត៌មានដ៏សម្បូរបែបនេះវានឹងអាចធ្វើឲ្យប៉ះពាល់ដល់របៀបអប់រំកូន និងទំនាក់ទំនងផ្ទាល់នៅក្នុងគ្រួសារព្រមទាំងសុខភាពផងដែរទន្ទឹមនឹងពេលវាបានផ្តល់ផលប្រយោជន៍ ជាច្រើនសម្រាប់មនុស្សនោះ។ការសិក្សាស្រាវជ្រាវបានរកឃើញថាការលេងសារ និងការប្រើប្រាស់កម្មវិធី បណ្តាញសង្គមតាមអ៊ីនធើណេតច្រើន(ដូចជាfacebook) បានភ្ជាប់ទៅនឹងការញ៉ាំសុរា ជក់បារី និងការប្រើ ប្រាស់ ថ្នាំ ។
ការសិក្សាថ្មីមួយនិយាយថា ក្មេងជំទង់ដែលជាអ្នកប្រើប្រាស់សារ និងគេហទំព័រនៃបណ្តាញសង្គមច្រើនពេក ច្រើនតែចាប់ផ្តើមការប្រព្រឹត្តឥរិយាបថមិនសមរម្យ ដូចជាជក់បារី និងញ៉ាំគ្រឿងស្រវឹងច្រើនជាងមិត្តរបស់គេដែលមិនប្រើប្រាស់ច្រើន ។
អ្នកស្រាវជ្រាវនៃ Case Western Reserve School of Medicine បានធ្វើការសាកសួរលើសិស្សវិទ្យាល័យ ចំនួន ៤២៥៧ នាក់ នៅអាមេរិកលើប្រធានបទ ការប្រើប្រាស់ទំនាក់ទំនងតាមបច្ចេកវិទ្យា និង សុខភាព ផ្សេងៗ ។
ក្មេងជំទង់ដែលចាត់ទុកជា អ្នកលេងសារហួសកំរិត គឺកំណត់ដោយការលេងសារច្រើនជាង ១២០ ។
នៅថ្ងៃសិក្សា មាន ៖
1.៤០% ចង់សាកល្បងជក់បារី ជាងក្មេងដែលចំនាយពេលតិចលើការលេងសារ ។
2.៤០% ជាអ្នកញ៉ាំគ្រឿងស្រវឹងច្រើន ។
3.៤១% ធ្លាប់ប្រើប្រាស់ថ្នាំខុសច្បាប់ ។
4.៥៥% ធ្លាប់វាយតប់គ្នា ។
5.ប្រហែល ៣.៥ ដង ធ្លាប់រួមភេទ ។
6.៩០% ធ្លាប់មានដៃគូររួមភេទ ៤នាក់ ឬច្រើនជាងនេះ ។
គ្រូពេទ្យ Scott Frank នៃ Case Western Reserve និយាយនៅក្នុងសារព័ត៌មានបរទេសមួយថា លទ្ធផលដ៏ភ្ញាក់ផ្អើលនៃការសិក្សានេះបានណែនាំថាប្រសិនបើគ្មានការបញ្ឈប់ទេ, ការលេងសារ និងវិធីផ្សេងទៀតដើម្បីរក្សាទំនាក់ទំនងអាចមានគ្រោះថ្នាក់ដល់សុខភាពក្មេងជំទង់ ។ នេះគួរតែជាការដាស់តឿនដល់ឪពុកម្តាយ ដោយមិនមែនត្រឹមតែជួយកូនរបស់ពួកគាត់ឱ្យមានសុវត្ថិភាពដោយមិនលេងសារ និង បើកបរនោះទេ ប៉ុន្តែដោយរារាំងមិនឱ្យប្រើប្រាស់ទូរស័ព្ទ ឬគេហទំព័រសង្គម ច្រើនពេក ។
Frank និង មិត្តរួមការងារ ក៏បានរាយការណ៍ថា ក្មេងជំទង់ដែលចាប់ផ្តើមប្រើប្រាស់បណ្តាញសង្គមច្រើនហួសកម្រិត ដែលពួកគាត់កំណត់ថា ការចំនាយពេល៣ម៉ោង ឬច្រើនជាងនេះក្នុង ១ ថ្ងៃ លើគេហទំព័របណ្តាញសង្គម ។
១១.៥% នៃអ្នកចូលរួមនិយាយថា ពួកគេចំនាយពេលច្រើនជាង៣ម៉ោងក្នុង១ ថ្ងៃលើគេហទំព័របណ្តាញសង្គម ។
អ្នកស្រាវជ្រាវនិយាយថា ក្មេងទាំងនេះមាន៖
1.៦២% ធ្លាប់សាកល្បងជក់បារី
2.៧៩% ធ្លាប់ញ៉ាំគ្រឿងស្រវឹង
3.៦៩% ជាអ្នកញ៉ាំគ្រឿងស្រវឹងច្រើន
4.៨៤% ធ្លាប់ប្រើថ្នាំខុសច្បាប់
5.៩៤% ធ្លាប់វាយតប់គ្នា
6.៦៩% ធ្លាប់រួមភេទ
7.៦០% ធ្លាប់មានដៃគូររួមភេទ ៤នាក់ ឬច្រើនជាងនេះ ។
អ្នកស្រាវជ្រាវបាននិយាយទៀតថា ការចំនាយពេលច្រើនពេកលើការលេងសារនិងបណ្តាញសង្គម ក៏អាចនាំអោយមានធាត់លើសទម្ងន់ បញ្ហាក្នុងការញ៉ាំ អវត្តមាននៅសាលាដោយសារជំងឺ ការគេងមិនគ្រប់គ្រាន់ និងមានអារម្មណ៍ថាគ្មានសុវត្ថិភាពពេលនៅសាលា។ ក្មេងទាំងនេះ ភាគច្រើនមានអាការក្រៀមក្រំចិត្ត និងគិតពីការសំលាប់ខ្លួន។
ដូច្នេះឪពុកម្តាយកម្ពុជាគួរតែចាំផ្តើមពិនិត្យឡើងវិញអំពីទម្លាប់របស់កូនៗនៅក្នុងការប្រើទូរស័ព្ទដៃនិងលេងអ៊ីនធើណិត ៕
ស្រង់ពីគេហទំព័រសុខភាព
ចែករំលែកព័តមាននេះ