រាជធានីភ្នំពេញ ៖ នគរបាលមន្ទីរប្រឆាំងគ្រឿងញៀន ក្រសួងមហាផ្ទៃ សហការជាមួយមន្ត្រីគយប្រចាំព្រលានយន្តហោះអន្តរជាតិភ្នំពេញ បានឃាត់ខ្លួនស្ត្រីថៃ២នាក់ កាលពីវេលាម៉ោង៨និង៤៥នាទីយប់ថ្ងៃទី៣ ខែមិថុនា ខណៈស្ត្រីទាំង២នាក់ នាំគ្រឿងញៀនជាង៤គីឡូក្រាមឡើងយន្តហោះ ។ស្ត្រីថៃទាំង២នាក់នេះ ម្នាក់ឈ្មោះ Sornsin Ruthairat អាយុ៣៨ឆ្នាំ និងម្នាក់ទៀតឈ្មោះ Tongoon Worapha អាយុ៤២ឆ្នាំ រស់នៅក្នុងក្រុងបាងកក ប្រទេសថៃ ។
ទាក់ទងនឹងការឃាត់ខ្លួនស្ត្រីជនជាតិថៃទាំង២នាក់ខាងលើ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន បានឱ្យដឹងថា ដោយសារសមត្ថកិច្ចជំនាញទទួលបានព័ត៌មានថា មានជនសង្ស័យ២នាក់ធ្វើដំណើរពីប្រទេសថៃមកកាន់ខេត្តសៀមរាបនៃព្រះរាជាណាចក្រកម្ពុជា ដើម្បីមកជួបមេខ្លោងទទួលយកគ្រឿងញៀនជាង៤គីឡូក្រាម ក្នុងគោលដៅបន្តដឹកជញ្ជូនតាមជើងយន្តហោះទៅកាន់ប្រទេសជប៉ុន ។
លោកឧត្តមសេនីយ៍ឯកបន្តថា ក្រោយពេលសមត្ថកិច្ចជំនាញទទួលបានព័ត៌មាននេះ លោក
នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជា តិទទួលការងា រប្រយុទ្ធប្រឆាំងគ្រឿង
ញៀន បានបញ្ជាមកមន្ទីរប្រឆាំងគ្រឿងញៀន ឱ្យចុះទៅសហការជាមួយសមត្ថកិច្ចគយនិងនគរ
បាលអគ្គនាយកដ្ឋានអន្តោប្រវេសន៍ប្រចាំព្រលានយន្តហោះអន្តរជាតិភ្នំពេញ រង់ចាំក្រសោបជនសង្ស័យដែលបម្រុងជញ្ជូនគ្រឿងញៀនឆ្លងដែននេះ។
ជាមួយនឹងការឃាត់ខ្លួននេះ ចំពោះវត្ថុតាងដែលបានចាប់យកមាន សារធាតុញៀនប្រភេទមេតំហ្វេតាមីនអាយស៍ដែលបង្កប់ក្នុងអាវរងាចំនួន៣ មានទម្ងន់សរុបជាង៤គីឡូក្រាម ។ ជនសង្ស័យនិងវត្ថុតាង ត្រូវបាននាំទៅកាន់មន្ទីរប្រឆាំងគ្រឿងញៀន ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ។
ជាមួយនេះ សមត្ថកិច្ចក៏បានបន្តស្វែងរកចាប់ខ្លួនមេខ្លោងម្នាក់ទៀតនៅខេត្តសៀមរាប ៕
ចែករំលែកព័តមាននេះ