ខេត្តកំពង់ធំ ៖ ប្រជាពលរដ្ឋសំណូមពរសូមឲ្យអាជ្ញាធរក្រុងស្ទឹងសែន អាជ្ញាធរខេត្តកំពង់ធំ និងមន្ទីររៀបចំដែនដី ខេត្តមេត្តាចាត់វិធានការជាបន្ទាន់ ចំពោះករណីធ្វើរបងថ្មរំលោភយកដីចំណីស្ទឹងសែនយ៉ាងអណាធិបតេយ្យពីសំណាក់ម្ចាស់ផ្ទះ ដោយពួកគាត់មើលឃើញពីសកម្មភាពរំលោភយកដីចំណីស្ទឹងចេះតែកើតមានឡើងជាបន្តបន្ទាប់ ដោយពុំមានការរារាំង ឬក៏ទប់ស្កាត់ពីមន្ទីរជំនាញនោះឡើយ…
ខេត្តកំពង់ធំ ៖ ប្រជាពលរដ្ឋសំណូមពរសូមឲ្យអាជ្ញាធរក្រុងស្ទឹងសែន អាជ្ញាធរខេត្តកំពង់ធំ និងមន្ទីររៀបចំដែនដី ខេត្តមេត្តាចាត់វិធានការជាបន្ទាន់ ចំពោះករណីធ្វើរបងថ្មរំលោភយកដីចំណីស្ទឹងសែនយ៉ាងអណាធិបតេយ្យពីសំណាក់ម្ចាស់ផ្ទះ ដោយពួកគាត់មើលឃើញពីសកម្មភាពរំលោភយកដីចំណីស្ទឹងចេះតែកើតមានឡើងជាបន្តបន្ទាប់ ដោយពុំមានការរារាំង ឬក៏ទប់ស្កាត់ពីមន្ទីរជំនាញនោះឡើយ ។
ជាក់ស្តែងដូចជា ករណីនៅខាងកើតស្ពានកំពង់ធំប្រហែល១០០ម៉ែត្រកំពុងតែធ្វើរបងថ្ម រំលោភចូលមកក្នុងចំណីស្ទឹងសែន ដែលពលរដ្ឋមានការព្រួយបារម្មណ៍ថា បើអាជ្ញាធរ និងមន្ទីរជំនាញនៅតែមិនយកចិត្តទុក ដាក់ ចំពោះបញ្ហាខាងលើនេះទេនោះ ហើយនៅតែបណ្តែតបណ្តោយតទៅទៀត នៅពេលណាដែលគាត់ធ្វើរបងថ្មរំលោភចូលក្នុងស្ទឹងបានសម្រេចហើយនោះគាត់នឹងចាក់ដី ហើយសាងសង់អ្វីក៏បាននៅលើដីចំណីស្ទឹងនោះ ហេតុដូច្នេះហើយ ខណៈនេះនៅពេលកំពុងតែសាងសង់របងថ្មនោះនៅឡើយ ពួកគាត់សូមឲ្យមន្ទីរជំនាញ និងអាជ្ញាធរចាត់វិធានការឲ្យឆាប់រហ័ស ចំពោះករណីនេះពាក់ព័ន្ធ និងករណីម្ចាស់ផ្ទះសាងសង់សំណង់អណាធិបតេយ្យរំលោភចូលទៅក្នុងស្ទឹងសែនខាងលើនេះ ។
លោកអឹម សុឌីណាប្រធានមន្ទីររៀបចំដែនដីនគរូបនីយកម្ម និងសំណង់ខេត្តកំពង់ធំបានប្រាប់កោះសន្តិភាព ឲ្យដឹងនៅព្រឹកថ្ងៃទី០៦ ខែមិថុនា ឆ្នាំ២០១៨ នេះថា ចំពោះករណីខាងលើនេះ លោកអត់បានដឹងនោះទេហើយលោក និងចាត់ឲ្យមន្ត្រីជំនាញរបស់លោកចុះទៅពិនិត្យឥឡូវនេះបានព័ត៌មានយ៉ាងណានោះលោក និងប្រាប់នៅពេលក្រោយ ៕
ចែករំលែកព័តមាននេះ