ខេត្តត្បូងឃ្មុំ ៖ សម្រាប់ពង្រឹងសន្តិសុខ និងសណ្តាប់ធ្នាប់ដើម្បីពង្រឹងទាំងយុទ្ធនាការឃោសនារកសម្លេងឆ្នោត និងបោះឆ្នោតជ្រើសរើសតំណាងរាស្ត្រ ក្នុងពេលខាងមុខ កម្លាំងសមត្ថកិច្ចទាំងបីប្រភេទ ក្នុងនោះមាន នគរបាល អាវុធហត្ថ…
ខេត្តត្បូងឃ្មុំ ៖ សម្រាប់ពង្រឹងសន្តិសុខ និងសណ្តាប់ធ្នាប់ដើម្បីពង្រឹងទាំងយុទ្ធនាការឃោសនារកសម្លេងឆ្នោត និងបោះឆ្នោតជ្រើសរើសតំណាងរាស្ត្រ ក្នុងពេលខាងមុខ កម្លាំងសមត្ថកិច្ចទាំងបីប្រភេទ ក្នុងនោះមាន នគរបាល អាវុធហត្ថ ទាហានព្រមទាំងប្រជាការពារមានរហូតដល់ទៅជាង៣.០០០នាក់ ។
នេះជាការលើកឡើងរបស់លោកស្នងការនគរបាលខេត្តក្នុងពេលដែលបានចុះទៅពិនិត្យទីតាំង
ស្នងការដ្ឋាននគរបាលខេត្តលើទីតាំងថ្មី ។ នៅក្បែរសាលាខេត្តកាលពីព្រឹកថ្ងៃទី០៥ មិថុនា ២០១៨
ដោយមានវត្តមាន លោកឧត្តមសេនីយ៍ឯក ឆាយ គឹមខឿន ប្រធានសេនាធិការដ្ឋានចូលរួមផងដែរ ។
លោកឧត្តមសេនីយ៍ទោ បែនរ័ត្ន ស្នងការនគរបាលខេត្តមានប្រសាសន៍ឲ្យដឹងថា ដោយអនុវត្តន៍តាមអនុសាសន៍របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃក៏ដូចជា ឯកឧត្តមលី ឡេង អភិបាលនៃគណៈអភិបាលខេត្ត រូបលោកបានកោះប្រជុំគ្រប់បណ្តាអធិការដ្ឋានននគរបាលស្រុកក្រុងទាំង៧ ដើម្បីមានវិធានការ ដើម្បីបែងចែកកងកម្លាំងទាំងនៅស្នងការដ្ឋាននគរបាលខេត្ត និងបណ្តាមូលដ្ឋានសម្រាប់ចេញការពារបោះឆ្នោតពេលខាងមុខ ។
ឧត្តមសេនីយ៍ទោ បែនរ័ត្នស្នងការនគរបាលខេត្តមានប្រសាសន៍បន្តថា ការិយាល័យបោះឆ្នោតមាន
ចំនួន១២៩៥ការិយាល័យ និង៧៧៣ទីតាំង កងកម្លាំងត្រូវបានបែងចែកជា២វគ្គ ក្នុងនោះមានវគ្គឃោសនាបោះឆ្នោតមានជាង១.០០០នាក់ ហើយមកដល់ថ្ងៃបោះឆ្នោតនឹងបន្ថែមកម្លាំងកើនដល់ទៅជាង៣.០០០នាក់ ក្នុងនោះមានកងអន្តរាគមន៍ ពិសេសដែលទើបនឹងបញ្ចប់វគ្គ នឹងត្រូវបញ្ជូនទៅតាមគោលដៅនីមួយៗ ដើម្បីសិក្សាពីភូមិសាស្ត្រឲ្យស្គាល់ច្បាស់ ការពារដល់គ្រប់ភាគីគណបក្សនយោយបាយផងដែរ ។
ក្នុងពេលនោះរដូវវស្សាទឹកទន្លេមេគង្គបានឡើងមកជន់លិច តាមបណ្តាស្រុកនានាជាប់ដងទន្លេ ហេតុដូច្នេះដៃម្ខាងទៀត ក្រៅពីកិច្ចការពារបោះឆ្នោតនឹងត្រូវត្រៀមជួយដល់ពលរដ្ឋ ដើម្បីជម្លៀសមកកាន់ទីទួលសុវត្ថិភាពនានា ។ មានន័យថា ពេញ១ខែកក្កដា ២០១៨ សមត្ថកិច្ចត្រូវមមាញឹកក្នុងការបំពេញបេសកកម្មពង្រឹងសន្តិសុខ និងសណ្តាប់ធ្នាប់សង្គម ព្រមទាំងកិច្ចការពារការបោះឆ្នោតតំណាងរាស្ត្រ ធ្វើយ៉ាងណាខិតខំបំពេញកាតព្វកិច្ចឲ្យបានល្អប្រសើរ ៕
ចែករំលែកព័តមាននេះ