រាជធានីភ្នំពេញ ៖ ជនសង្ស័យចំនួន២នាក់ដែលជាមុខសញ្ញាកាច់.កម៉ូតូយ៉ាងសកម្មត្រូវបានកម្លាំងសមត្ថកិច្ច ប៉ុស្តិ៍នគរបាលទំនប់ សហការជាមួយនឹងកម្លាំងនគបាល ព្រហ្មទណ្ឌកំរិតស្រាល ឃាត់ខ្លួនយកទៅសាកសួរ។ ហេតុការណ៍ការឃាត់ខ្លួននេះបានធ្វើឡើងនៅវេលាម៉ោង ៦និង៣០នាទីល្ងាច ថ្ងៃទី៥ ខែមិថុនា ឆ្នាំ២០១៨ ចំនុចផ្លូវ៤៣២ កែងនឹង២៧១ សង្កាត់ទំនប់ទឹក ខណ្ឌចំការមន ។
ជនសង្ស័យដែលត្រូវសមត្ថកិច្ចឃាត់ខ្លួនបានមានឈ្មោះ ឆោម វាសនា ភេទប្រុស មុខរបបមិនពិតប្រកដ អាយុ៣៩ឆ្នាំ ស្នាក់នៅផ្ទះលេខ១៨៥ ផ្លូវ២១៥ សង្កាត់ផ្សារដើម.គ ខណ្ឌទួលគោក ។ ចំណែកម្នាក់ទៀតមានឈ្មោះ ហេង ចំរើន ភេទប្រុស អាយុ៣២ឆ្នាំ មុខរបបមិនពិតប្រកដ ស្នាក់នៅសង្កាត់ជ្រោយចង្វា ខណ្ឌជ្រោយចង្វារ ដកហូតបានម៉ូតូម៉ាកឌ្រីមសង់ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ 1FR-2853 មួយគ្រឿង ជារបស់ជនសង្ស័យ និងគ្រឿងញៀនមួយកញ្ចប់ធំល្មមមួយកញ្ចប់ ។
លោកនាយប៉ុស្តិ៍នគរបាលទំនប់ទឹកបានអោយដឹងថា មុនពេលឈានទៅដល់ការឃាត់ខ្លួនជនសង្ស័យទាំងនេះបានកម្លាំងសមត្ថកិច្ចបានធ្វើការល្បាតក្នុងមូលដ្ឋានដើម្បីទប់ស្កាត់បទល្មើសផ្សេងៗ ស្របពេលនោះដែររូបគាត់ក៏ទទួលបានដំណឹងតាមការបោះដៃតាមវិទ្យុទាក់ទងរបស់កម្លាំងនគបាលព្រហ្មទណ្ឌកំរិតស្រាលថាមានជនសង្ស័យ២នាក់ដែលជាមុខសញ្ញាកាច់.កម៉ូតូដែលកម្លាំងសមត្ថកិច្ចព្រហ្មទណ្ឌកំរិតស្រាលកំពុងតែដេញតាមចាប់ ហើយជនសង្ស័យទាំងកំពុងតែរត់គេចខ្លួនចូលទៅទឹកដី របស់គាត់ដោយឮបែបនេះកម្លាំងរបស់គាត់បានធ្វើការស្ទាក់គ្រប់ច្រកល្ហកក៏ប្រទះឃើញក្រុមជនសង្ស័យដែលមានភិនភាគដូចគេប្រកាសក៏បានធ្វើការឃាត់ខ្លួនជនសង្ស័យទាំង២នាក់ នៅចំណុចខាងលើព្រមទាំងឆែករកឃើញថ្នាំប្រភេទក្រាមសថ្លាចំនួន១កញ្ចប់ធំល្មមយកមកធ្វើការសាកសួរនៅប៉ុស្តិ៍នគរបាលទំនប់ទឹក ។
នៅចំពោះមុខសមត្ថកិច្ចជនសង្ស័យទាំងនោះបានសារភាពថា ពួកគេពិតជាបាន និងធ្លាប់ធ្វើសកម្មភាពកាច់.កម៉ូតូយ៉ាងសកម្មភាព ក្នុងរាជធានីភ្នំពេញពិតប្រាកដមែនហើយករណីនេះសមត្ថកិច្ចក៏មានកាំមេរ៉ាសុវត្ថិភាព របស់ជនសង្ស័យផងដែរ ។ ក្រោយពេលកើតហេតុជនសង្ស័យទាំងនោះត្រូវបានប្រគល់អោយខាងសមត្ថកិច្ចព្រហ្មទណ្ឌកំរិតស្រាលយកទៅសាកសួរបន្ថែមពីព្រោះករណីនេះខាងកម្លាំងសមត្ថកិច្ចព្រហ្មទណ្ឌកំរិតស្រាលជាអ្នកតាមចាប់ ៕
ចែករំលែកព័តមាននេះ