រាជធានីភ្នំពេញ ៖ ជនសង្ស័យចំនួន៥នាក់ត្រូវបានកម្លាំងនគរបាលប៉ុស្តិ៍ឫស្សីកែវឃាត់ខ្លួនកាលពីវេលាម៉ោង៩ព្រឹកថ្ងៃទី៥ ខែមិថុនា ឆ្នាំ២០១៨ នៅចំណុចផ្ទះគ្មានលេខ ផ្លូវលំ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ…
រាជធានីភ្នំពេញ ៖ ជនសង្ស័យចំនួន៥នាក់ត្រូវបានកម្លាំងនគរបាលប៉ុស្តិ៍ឫស្សីកែវឃាត់ខ្លួនកាលពីវេលាម៉ោង៩ព្រឹកថ្ងៃទី៥ ខែមិថុនា ឆ្នាំ២០១៨ នៅចំណុចផ្ទះគ្មានលេខ ផ្លូវលំ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ ខណៈពេលប្រមូលផ្តុំគ្នាប្រើប្រាស់គ្រឿងញៀន។
តាមនគរបាលបានឲ្យដឹងថា ជនសង្ស័យចំនួន៥នាក់ដែលសមត្ថកិច្ចចាប់ឃាត់ខ្លួននោះរួមមាន ១-ឈ្មោះភួង ភក្តី ភេទប្រុស អាយុ១៥ឆ្នាំ មុខរបរមិនពិតប្រាកដ មានទីលំនៅភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ ២-ឈ្មោះរឿន សម្បត្តិ ភេទប្រុស អាយុ១៥ឆ្នាំ ជាសិស្ស ស្នាក់នៅបន្ទប់ជួលភូមិបឹងសា
ឡាង សង្កាត់ឫស្សីកែវ ៣-ឈ្មោះប៉ុន ចាន់ឌី ភេទប្រុស អាយុ១៩ឆ្នាំ ស្នាក់នៅភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ ៤-ឈ្មោះវ៉ែ ឧត្តម ភេទប្រុស អាយុ២៧ឆ្នាំ និង៥-ឈ្មោះទូច ដារិទ្ធ ភេទប្រុស អាយុ១៨ឆ្នាំ មានមុខរបរចុងភៅ ស្នាក់នៅកើតហេតុ។
បន្ទាប់ពីឃាត់ខ្លួនសង្ស័យទាំង៥នាក់ខាងលើ នគរបាលដកហូតបានថ្នាំញៀនចំនួន១កញ្ចប់តូច, ដាវសាំម៉ូរ៉ៃមួយដើម, ពូថៅមួយ, កាំបិតផ្គាក់មួយ និងឧបករណ៍ប្រើប្រាស់គ្រឿងញៀនមួយចំនួន។
តាមនគរបាលបានអោយដឹងថា ដោយមានការផ្តល់ព័ត៌មានពីប្រជាពលរដ្ឋថាមានក្រុមជនសង្ស័យដែលបានប្រមូលផ្តុំគ្នាប្រើប្រាស់គ្រឿងញៀននៅក្នុងទីតាំងផ្ទះមួយកន្លែង នគរបាលក៏បានចុះឆែកឆេរ ហើយឃាត់ខ្លួនជនសង្ស័យ រួមទាំងវត្ថុតាងតែម្តង។
ជនសង្ស័យរួមទាំងវត្ថុតាងត្រូវនគរបាលនាំយកទៅកាន់អធិការដ្ឋានខណ្ឌឫស្សីកែវ ដើម្បីសាកសួរ និងកសាងសំណុំរឿងបញ្ជូនទៅតុលាការចាត់ការតាមច្បាប់៕
ចែករំលែកព័តមាននេះ