ខេត្តបន្ទាយមានជ័យ ៖ ពលករខ្មែរម្នាក់បានស្លាប់ក្រោយបញ្ជូនទៅដល់មន្ទីរពេទ្យក្រោយពីរងរបួសធ្ងន់ធ្ងរត្រូវប្អូនជីដូនមួយបង្កើតវាយ៣ឈើជ្រុងព្រោះខឹងទូរស័ព្ទប្រាប់ម្តាយ ។ ហេតុការណ៌ហិង្សាដ៏ភ្ញាក់ផ្អើលនេះកើតឡើងនៅខេត្តឈុនបុរី ប្រទេសថៃ កាលពីព្រឹកថ្ងៃទី៤ មិថុនា ។ ជនរងគ្រោះឈ្មោះ…
ខេត្តបន្ទាយមានជ័យ ៖ ពលករខ្មែរម្នាក់បានស្លាប់ក្រោយបញ្ជូនទៅដល់មន្ទីរពេទ្យក្រោយពីរងរបួសធ្ងន់ធ្ងរត្រូវប្អូនជីដូនមួយបង្កើតវាយ៣ឈើជ្រុងព្រោះខឹងទូរស័ព្ទប្រាប់ម្តាយ ។ ហេតុការណ៌ហិង្សាដ៏ភ្ញាក់ផ្អើលនេះកើតឡើងនៅខេត្តឈុនបុរី ប្រទេសថៃ កាលពីព្រឹកថ្ងៃទី៤ មិថុនា ។
ជនរងគ្រោះឈ្មោះ វ៉ា គឹមសេង ភេទប្រុស អាយុ៣៧ឆ្នាំ ជាមេការផ្នែកបាញ់ថ្នាំឡាននៅកន្លែងកើតហេតុ និងមានទីលំនៅភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។ ចំណែកជនដៃដល់ឈ្មោះ លៀប អាយុ២៧ឆ្នាំ ជាប្អូនជីដូនមួយជនរងគ្រោះ និងធ្វើការជាមួយគ្នា ។
ប្រភពថា ក្រោយហេតុការកើតឡើងជនរងគ្រោះបានគេចខ្លួន ប៉ុន្តែត្រូវសមត្ថកិច្ចថៃតាមប្រម៉ាញ់ចាប់បាននៅក្នុងស្រុកមឿង ក្នុងខេត្តកើតហេតុដើម្បីចាត់ការតាមផ្លូវច្បាប់ ។ ករណីហិង្សានេះតាមអាក់ខោនហ្វេសប៊ុកឈ្មោះ Va Seanghor សរសេរថា ក្រោយហូបបាយព្រឹករួចកំពុងលាបថ្នាំឡានប្អូនជីដូនមួយលួចវាយប្អូនរបស់គាត់ឈ្មោះ វ៉ា គឹមសេង ៣ឈើជ្រុងបណ្តាលឲ្យស្លាប់ ។
គាត់បញ្ជាក់ថា មូលហេតុថាជនសង្ស័យខឹងជនរងគ្រោះព្រោះតែកន្លងមកធ្លាប់ទូរស័ព្ទប្រាប់ម្តាយជនសង្ស័យឲ្យធ្វើដំណើរទៅថៃយកត្រឡប់វិញព្រោះកន្លងមកផឹកស៊ីស្រវឹងរករឿងបង្កជម្លោះគេឯងបើទុកខ្លាចសមត្ថកិច្ចថៃចាប់ ។
ម្ចាស់ហ្វេសប៊ុកសរសេរបន្តថា មុនកើតហេតុជនរងគ្រោះផឹកស៊ីបានបង្កបញ្ហាដេញវាញជនរងគ្រោះម្តងហើយប៉ុន្តែជនរងគ្រោះមិនតបតទេ ព្រោះគិតថាជាប្អូនជីដូនមួយលុះព្រឹកកើតហេតុជនសង្ស័យក៏លួចវាយជនរងគ្រោះបណ្តាលឲ្យស្លាប់តែម្តង ។
ជួបតាមទូរស័ព្ទមុននេះបន្តិចម្ចាស់ហ្វេសប៊ុកខាងលើអះអាងថា សពជនរងគ្រោះពេលនេះកំពុងត្រូវបានភាគីថៃបញ្ជូនមកដល់ស្រុកអារញ្ញហើយ ហើយគាត់នឹងសាច់ញាតិកំពុងធ្វើដំណើរមកចាំទទួលសពតាមច្រកទ្វារអន្តរជាតិប៉ោយប៉ែតដើម្បីយកទៅលំនៅដ្ឋានធ្វើបុណ្យតាមប្រពៃណីផងដែរ ៕
ចែករំលែកព័តមាននេះ