តាមប្រភពព័ត៌មាន Marca បានឲ្យដឹងថា កីឡាករសញ្ជាតិបារាំង Samuel Umtit បានបង្ហើបប្រាប់ក្រុមសារព័ត៌មានកាលពីថ្ងៃច័ន្ទ ថាការចាកចេញពីក្លិបគឺជារឿងដែលខ្លួននឹងមិនជ្រើសរើសឡើយ ។ Umtiti…
តាមប្រភពព័ត៌មាន Marca បានឲ្យដឹងថា កីឡាករសញ្ជាតិបារាំង Samuel Umtit បានបង្ហើបប្រាប់ក្រុមសារព័ត៌មានកាលពីថ្ងៃច័ន្ទ ថាការចាកចេញពីក្លិបគឺជារឿងដែលខ្លួននឹងមិនជ្រើសរើសឡើយ ។ Umtiti បានធ្វើដំណើរពីបារាំងមកកាន់ Barcelona ដើម្បីធ្វើការចុះកុងត្រាបន្តរយៈពេល៥ឆ្នាំទៀត ជាមួយនឹងថ្លៃផ្តាច់កុងត្រា ៥០០លានដុល្លារ ។
កីឡាកររូបនេះបាននិយាយប្រាប់ថា «ខ្ញុំពិតជាសប្បាយចិត្តណាស់ ក្នុងការចុះកុងត្រាបន្តជាមួយនឹង Barcelona បែបនេះ ។ តាំងពីថ្ងៃដំបូងឈរនៅទីនេះ ខ្ញុំមានអារម្មណ៍ថាវាជាផ្ទះរបស់ខ្ញុំ ។ គោលបំណងរបស់ខ្ញុំគឺត្រូវលេងជាមួយនឹងកីឡាករខ្លាំងផ្តាច់គេ ក្នុងក្លិបខ្លាំងផ្តាច់គេ ។ ខ្ញុំមិនទៅណាក្រៅពីក្លិបនេះឡើយ» ។
គួរបញ្ជាក់ផងដែរថា កីឡាករលេខ២៣ក្នុងក្លិបអ្នកមានបុណ្យខាងលើ បានចូលមកលេងនៅឆ្នាំ២០១៦ ក្រោយចាកចេញពីក្លិប Lyon ។ នៅពេលនេះ គេអាចនៅបន្តបាន៥ឆ្នាំទៀត មុននឹងកុងត្រាថ្មីផ្សេងទៀតមកដល់ ៕
ចែករំលែកព័តមាននេះ