ប្រទេសក្វាតេម៉ាឡា ៖ ក្រោយការរកឃើញសាកសពមនុស្សច្រើននាក់ ដែលខ្លួនប្រាណឆេះខ្លោចអស់ អាជ្ញាធរគូសបញ្ជាក់កាលពីថ្ងៃទី៤មិថុនាថា មនុស្សយ៉ាងតិច៦២នាក់ស្លាប់ដោយសារការផ្ទុះកាលពីថ្ងៃទី៣ មិថុនា នៃភ្នំភ្លើង FUEGO នៅប្រទេសក្វាតេម៉ាឡា។…
ប្រទេសក្វាតេម៉ាឡា ៖ ក្រោយការរកឃើញសាកសពមនុស្សច្រើននាក់ ដែលខ្លួនប្រាណឆេះខ្លោចអស់ អាជ្ញាធរគូសបញ្ជាក់កាលពីថ្ងៃទី៤មិថុនាថា មនុស្សយ៉ាងតិច៦២នាក់ស្លាប់ដោយសារការផ្ទុះកាលពីថ្ងៃទី៣ មិថុនា នៃភ្នំភ្លើង FUEGO នៅប្រទេសក្វាតេម៉ាឡា។
ការផ្ទុះភ្នំភ្លើងមានកម្ពស់៣៧៦៣ម៉ែត្រនោះ ស្ថិតនៅចម្ងាយ៣៥គីឡូម៉ែត្រភាគនិរតីរដ្ឋធានីក្វាតេម៉ាឡា ក៏ញ៉ាំងឲ្យមានការជម្លៀសមនុស្សចេញជាបន្ទាន់ជាង៤៥០០នាក់ ពីបណ្ដាភូមិទាំងឡាយស្ថិតនៅចង្កេះភ្នំភ្លើងដែលបញ្ចេញកំអែ និងជះផេះមកលើតំបន់យ៉ាងធំមួយ នាំឲ្យប្រជាជនមានការភ័យជ្រួលច្របល់យ៉ាងខ្លាំង។
លោក SERIO CABANAS នៃទីភ្នាក់ងារគ្រប់គ្រងគ្រោះមហន្តរាយក្វាតេម៉ាឡាថ្លែងថា ក្រៅពីអ្នកស្លាប់ មនុស្សច្រើននាក់បានបាត់ខ្លួន តែពុំដឹងចំនួនពិតប្រាកដទេ ហើយតុល្យការអាចមានខ្ពស់ជាងនេះទៀត ។ កាលពីថ្ងៃទី៣ មិថុនា ពេលភ្នំភ្លើងចាប់ផ្ទុះបណ្ដារូបភាពផ្សាយតាមទូរទស្សន៍ និងបណ្ដាញសង្គម បានបង្ហាញផេះយ៉ាងក្រាស់ធ្លាក់ក្រាលលើផ្លូវថ្នល់មួយ ចំណែកប្រជាជន និងបណ្ដាសមាជិកក្រុមអ្នកជួយសង្គ្រោះបាននាំគ្នារត់គេចចេញ។ រូបភាពផ្សេងៗទៀតបង្ហាញមនុស្សទាំងឡាយប្រឡាក់ផេះពេញខ្លួនប្រាណ ខណៈពេលពួកអ្នកជួយសង្គ្រោះនាំទៅរកជម្រក។ ចំណែកបណ្ដាអ្នកស្លាប់ ព្រោះប៉ះកំអែយ៉ាងក្ដៅ ហូរធ្លាក់ពីលើមាត់ភ្នំភ្លើងយ៉ាងលឿន ធ្វើប្រជាជននាំគ្នារត់គេចចេញមិនទាន់៕
ចែករំលែកព័តមាននេះ