រាជធានីភ្នំពេញ ៖ ក្នុងពេលអ្នកនាងយុគ ចិន្តា បើកចំហរឿងមានកូនស្រីក្រោយលាក់បាំងជាយូរមកហើយនោះ អ្នកគាំទ្ររបស់នាងមើលឃើញថា ពិធីការិនីរូបនេះមានក្តីសុខខ្លាំងណាស់ ព្រោះកូនស្រីជាទីស្រឡាញ់គោរពដំបូន្មាន និងធ្វើតាមអ្វីដែលមាតាចង់បាន ។កូនស្រីរូបនេះមានចិត្តចង់ចូលប្រឡូកសិល្បៈណាស់ តែម្តាយទប់មិនទាន់ឲ្យគិតរឿងនេះច្រើនជាងរៀនសូត្រទេ ។
តាមការរៀបរាប់ពីអ្នកនាងយុគ ចិន្តា ថា«បើកុំតែទប់ទាន់កូនស្រីវ័យ១៥ឆ្នាំរបស់នាងខ្ញុំនឹងចូលសិល្បៈ មើលទៅចិត្តនាងគឺស្រឡាញ់ផ្នែកចម្រៀងណាស់ ហើយសំឡេងទៀតសោតគឺទទួលស្តាប់ទៅអាចប្រើការបាន ។ ចិត្តខ្ញុំជាម្តាយមិនប្រកែកទេ តែពេលនេះគឺសុំឲ្យគាត់រៀនសិនព្រោះចំណុចនេះសំខាន់ណាស់ ។ ទិសដៅឲ្យគាត់ប្រឡងចប់ មានសញ្ញាបត្រជាដុំកំភួនឲ្យមើលទៅជាអ្នកចេះដឹង ។ ម្យ៉ាងទៀតបើទោះនោះជានិស្ស័យមិនចំចិត្តនាងខ្ញុំជាម្តាយចង់បានតែពេញចិត្ត និងជំរុញដោយផ្តាំឲ្យកូនរៀនជំនាញសិល្បៈចេញពីសាលា បើស្រឡាញ់ទាល់តែមានការឆ្លងកាត់រៀនសូត្រត្រឹមត្រូវ ។
មួយទៀតចង់ឲ្យកូនចូលសិល្បៈប្រកបដោយចំណេះដឹងកុំឲ្យគេថាសិល្បៈអត់សូវចេះអី។ បើពេលនេះគឺគ្រាន់តែឲ្យគាត់សម្តែងឡើងឆាកច្រៀងឲ្យគេ ស្គាល់ៗធម្មតាមិនឲ្យចេញមុខពេកទេ »។
បើតាមចិត្តអ្នកនាងយុគ ចិន្តា ចង់ឲ្យកូនស្រីក្លាយជាអ្នកសារព័ត៌មានម្នាក់ដពូកែ និងល្បីល្បាញព្រោះអ្នកនាងចូលចិត្តផ្នែកនេះ ដោយដើមទងមកពីនាងជាអ្នកដុះចេញពីសារព័ត៌មាន។ បើទោះបីមិនតាមបំណងក៏អ្នកនាងយុគ ចិន្តា មិនគិត សំខាន់ឲ្យតែផ្លូវដើរកូនស្រីប្រកបដោយជំនាញច្បាស់លាស់ ។
ក្រៅពីសិល្បៈចម្រៀង អ្នកនាងយុគ ចិន្តា បញ្ជាក់ថានាងស្រលាញ់សិល្បៈវប្បធម៌បុរាណខ្លាំងណាស់ដែរ ។ ព្រោះរយៈពេល៦ឆ្នាំមកនេះនាងតែងតែបណ្ដុះស្មារតីកូនស្រី ឲ្យប្រឹងប្រែងហាត់របាំខ្មែរដែលជាកេរមរតកដ៏មានតម្លៃតាំងពីបុរាណ ៕
ចែករំលែកព័តមាននេះ