រាជធានីភ្នំពេញ ៖ តារាសម្តែងលោក លឹម ជាឡាយ បានប្រតិកម្ម និងរិះគន់ទៅលើតួអង្គមួយចំនួនដែលមិនគោរពពេលវេលានៃការថត ដូច្នេះមានព្រមាននឹងមិនបន្តចូលរួមថតជាមួយតួអង្គទាំងនោះទេ ។
ប្រតិកម្មរបស់លោកលឹម ជាឡាយ កើតឡើងបន្ទាប់ពីលោកបានជួបប្រទះបញ្ហានោះ ក្នុងពេលលោកចូលរួមសម្តែងនៅក្នុងរឿង«គូស្នេហ៍បម្រុង»ដែលចាក់ផ្សាយនៅស្ថានីយទូរទស្សន៍CTN ។ ទំនងជាខ្លួនត្រូវខកខានមិនបានថតដោយសារការអវត្តមានជាមួយតួអង្គណាមួយដែលត្រូវថតប្លង់ជាមួយគ្នា លោក លឹម ជាឡាយ បានចេញសារព្រមាន និងរិះគន់ទៅដល់តារាទាំងនោះឲ្យចេញមុខទៅទទួលខុសត្រូវ ដោយលោកនៅមិនទាន់បញ្ចេញអត្តសញ្ញាណនៃតួអង្គនោះជាសាធារណៈទេ ។
តាមរយៈសារដែលបានបង្ហោះតាមហ្វេសប៊ុកនាពេល ថ្មីៗកន្លងមកលោកលឹម ជាឡាយ ឲ្យដឹងថា «ក្នុងនាមជាតួយសម្តែងក្នុងរឿង គូរសេ្នហ៍បម្រុង ដែលចាក់នៅ CTN ក្នុងពេលឆាប់ៗនេះ រូបខ្ញុំបាទមានមតិយោបល ់ខ្លះៗ សម្រាប់តួមួយចំនួនតូចដែលមិនគោរពការងារ មិនមានទំនួលខុសត្រូវលើការងារខ្លួនឯង លទ្ធផលទៅថៃ្ងក្រោយនឹងបាត់បង់ អី្វៗគ្រាប់យ៉ាង និងមនុស្សជុំវិញខ្លួនថែមទៀតផង ។ កិត្តិយសសំខាន់ណាស់សម្រាប់មនុស្ស ម្នាក់ៗបើសិនជាអ្នកធ្វើបែបនេះតើកិត្តិយសរបស់អ្នកទុកនៅឯណា ។ ក្នុងនាមសិល្បៈម្នាក់មិនបង្ហាញឈ្មោះនៅពេលនេះពេលដឹងខ្លួនសូមចូលខ្លួនដោះស្រាយបញ្ហាទាំងអស់ឲ្យចប់សព្វគ្រាប់សិនទៅ … ខ្ញុំនឹងចេញឈ្មោះ តួហ្នឹងពេលក្រោយ ។ លឹម ជាឡាយ មិនចង់ថតជាមួយតួកូរបែបនេះទេ… បើខុសឆ្គងសូមអភ័យទោសផងខ្ញុំនិយាយចេញពីចិត្ត !ខ្ញុំខឹងជំនួសម្ចាស់ផលិតកម្ម… យល់អារម្មណ៍នេះ »។
ចាងហ្វាងផលិតកម្មLD ដែលកំពុងដំណើរការថតរឿងគូសេ្នហ៍បម្រុង លោកលៀក លីដា បានបញ្ចេញសារថា «នេះជាផលវិបាករបស់អ្នកគ្រប់គ្រងការផលិត អ៊ីចឹងសូមទោសផងដែរដល់សិល្បកររៀមច្បងដែលតែងតែមកចាំតួមិនគោរពម៉ោង ដោយមិនបានខលប្រាប់ពីបញ្ហាយឺតរបស់ខ្លួន »។
ចាត់ទុកថានេះជាលើកទីមួយហើយដែលតារាសម្តែងលោកលឹម ជាឡាយ បានប្រតិកម្មចំពោះភាពយឺតយ៉ាវនឹងការមិនគោរពម៉ោងពេលនៃការថតរបស់តារាសម្តែងដូចគ្នា ។ កន្លងមកបណ្តាអ្នកដឹកនាំរឿងមួយចំនួនទៀតក៏បានរអ៊ូរទាំចំពោះបញ្ហានោះដែរ ៕
ចែករំលែកព័តមាននេះ