រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង២០និង៤៥នាទីថ្ងៃទី០៣ ខែមិថុនា ឆ្នាំ២០១៨ ដោយទទួលព័ត៌មានសង្ស័យពីស្ថាប័នគយប្រចាំព្រលានយន្តហោះអន្តរជាតិភ្នំពេញកម្លាំងជំនាញ” ក ” របស់មន្ទីរប្រឆាំងគ្រឿងញៀន រួមជាមួយកម្លាំងជំនាញរបស់អគ្គនាយកដ្ឋានអន្តោប្រវេសន៍បានដំណើរការសហការត្រួតពិនិត្យស៊ើបអង្កេតលើមុខសញ្ញាសង្ស័យ២នាក់ ។
សេចក្តីរាយការណ៍បន្តថា ជនសង្ស័យខាងលើដែលឃាត់ខ្លួនបានជាជនជាតិថៃ២នាក់ ហើយជាស្រីទាំង២តែម្តង ។ ហើយចាប់យកបានវត្ថុតាងមានសារធាតុញៀន ប្រភេទម៉េតំហ្វេតាមីន ICE «បង្កប់ក្នុងអាវរងារចំនួន៣» ទម្ងន់ជាង៤គីឡូ ។
សេចក្តីរាយការណ៍បន្ត នារីទាំងពីរនាក់នេះមកពីថៃ ហើយត្រូវបានមេក្លោងនៅខេត្តសៀមរាបរៀបចំឲ្យនាំគ្រឿងញៀននេះមកភ្នំពេញ ហើយបន្តទៅដំណើរតាមយន្តហោះអាកាសយានដ្ឋានអន្តរជាតិភ្នំពេញទៅណារីតាប្រទេសជប៉ុន ដោយមានអ្នកចាំទទួល ៕
ចែករំលែកព័តមាននេះ