រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួកពីរនាក់ ត្រូវបានក្រុមសន្តិសុខយាមនៅកោះពេជ្រ ឃាត់ខ្លួនយកទៅដោះស្រាយជាមួយនឹងសមត្ថកិច្ចស្ងាត់ៗ ខណៈដែលជនសង្ស័យរូបនោះ រួមនឹងបក្ខពួកម្នាក់ទៀតដែលរត់គេចរួចបានធ្វើសកម្មភាពបើករថយន្តបែនដឹកដី លួចដែករបស់ក្រុមហ៊ុន នៅក្នុងការដ្ឋានកោះពេជ្រ ហេតុការណ៍នេះដែរបានកើតឡើងនៅវេលាម៉ោង១០យប់…
រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួកពីរនាក់ ត្រូវបានក្រុមសន្តិសុខយាមនៅកោះពេជ្រ ឃាត់ខ្លួនយកទៅដោះស្រាយជាមួយនឹងសមត្ថកិច្ចស្ងាត់ៗ ខណៈដែលជនសង្ស័យរូបនោះ រួមនឹងបក្ខពួកម្នាក់ទៀតដែលរត់គេចរួចបានធ្វើសកម្មភាពបើករថយន្តបែនដឹកដី លួចដែករបស់ក្រុមហ៊ុន នៅក្នុងការដ្ឋានកោះពេជ្រ ហេតុការណ៍នេះដែរបានកើតឡើងនៅវេលាម៉ោង១០យប់ ថ្ងៃទី៣ ខែមិថុនា ឆ្នាំ២០១៨ នៅកោះពេជ្រ សង្កាត់ទន្លេបាសាក់ ខណ្ឌចម្ការមន។ ជនសង្ស័យត្រូវបានគេស្គាល់ថា ឈ្មោះ តុលា ភេទប្រុស អាយុ៣០ឆ្នាំ មុខរបរបើកបររថយន្ត ស្នាក់នៅក្នុងរថយន្ត។ ចំណែកម្នាក់ទៀតដែលរត់គេចខ្លួនមិនបានឲ្យដឹងឈ្មោះ។ ដកហូតរថយន្តបែនដឹកដីម៉ាក ហ៊ីយ៉ាន់ដាយ ពណ៌ក្រហម អត់មានស្លាក់លេខមួយគ្រឿង ដែកបំពង់ទីប១២ដើម និងដែកក្បាលបូមខ្សាច់មួយ។
តាមសម្តីសន្តិសុខនៅកោះពេជ្រ ម្នាក់សុំមិនបញ្ចេញឈ្មោះ បានឲ្យដឹងថា មុនពេលកើតហេតុ រូបគាត់បានយាមនៅក្នុងច្រកចេញចូលនៅក្នុងកោះពេជ្រ ពេលនោះស្រាប់តែឃើញរថយន្តប្រភេទបែនដឹកដី មួយគ្រឿង ម៉ាកហ៊ីយ៉ាន់ដាយ បានបើកចេញពីការដ្ឋានក្នុងកោះពេជ្រ គោលបំណងចេញទៅក្រៅដោយសារតែការសង្ស័យរូបគាត់បានហៅរថយន្តនោះដើម្បីត្រួតពិនិត្យ តែពេលនោះដែរ អ្នកបើកបររថយន្តមិនព្រមឈប់បានបន្ថែមល្បឿនរត់គេចខ្លួនទើបរូបគាត់បោះតាមវិទ្យុទាក់ទងហៅគ្នីគ្នាឲ្យជួយដេញឃាត់រថយន្តបាននៅម្តុំជិតវត្តថាន់ ផ្លូវសុធារស ហើយឃាត់ខ្លួនបានជនសង្ស័យម្នាក់ ជាអ្នកបើករថយន្ត ចំណែកម្នាក់ទៀតដែលត្រូវជាព្រូបានរត់គេចខ្លួនបាត់។
ពេលឃាត់បានហើយបានឆែកមើលរថយន្តឃើញមានដែកបំពង់ទីប១២ដើម និងដែកក្បាលបូមខ្សាច់មួយ ហើយភ្លាមៗនោះដែរ ជនសង្ស័យរូបនោះត្រូវក្រុមសន្តិសុខដទៃទៀត បានចង់ដឹកយកទៅសាកសួរនៅក្នុងកន្លែងសន្តិសុខរបស់កោះពេជ្រ។ នៅក្នុងហេតុការណ៍នេះដែរ នៅពេលដែលអ្នកសារព័ត៌មានទៅថតរូបជនសង្ស័យរូបនោះក៏ត្រូវបានមេការសន្តិសុខរារាំងហាមមិនឲ្យថតរូប ដោយនិយាយថា ជារឿងរបស់ក្រុមហ៊ុនហើយពេលនោះក៏មានសមត្ថកិច្ចរបស់ប៉ុស្តិ៍នគរបាលទន្លេបាសាក់ម្នាក់ បានចូលទៅដោះស្រាយគ្នាស្ងាត់ៗ ជាមួយនឹងមេការសន្តិសុខ ដោយមិនបាននាំខ្លួនជនសង្ស័យរូបនោះ យកទៅសាកសួរនៅប៉ុស្តិ៍នគរបាលទេ ដោយបានការខ្សឹបខ្សៀវលាក់លៀមគឺធ្វើខុសនឹងនីតិវិធី៕
ចែករំលែកព័តមាននេះ