ក្រពេញប្រូស្តាតរីកធំ គឺជាពាក្យវេជ្ជសាស្ត្រ ដើម្បីពិពណ៌នាអំពីលក្ខណៈដែលក្រពេញប្រូស្តាតរីកធំ ហើយជាស្ថានភាពមួយអាចប៉ះពាល់ដល់របៀបដែលអ្នកបញ្ចេញទឹកនោម។
ក្រពេញប្រូស្តាតរីកធំ ជារឿងធម្មតាចំពោះបុរសដែលមានអាយុលើសពី ៥០ ឆ្នាំ។ វាមិនមែនជាមហារីក ហើយវាមិនមែនជាការគំរាមកំហែងធ្ងន់ធ្ងរដល់សុខភាពនោះទេ។
រោគសញ្ញានៃការរីកក្រពេញប្រូស្តាត
ក្រពេញប្រូស្តាត គឺជាក្រពេញតូចមួយដែលស្ថិតនៅក្នុងឆ្អឹងត្រគាក រវាងលិង្គ និងប្លោកនោម។
ប្រសិនបើក្រពេញប្រូស្តាតរីកធំ វាអាចដាក់សម្ពាធលើប្លោកនោម និងទ្វារនោម (បំពង់ទឹកនោមដែលឆ្លងកាត់)។
វាអាចប៉ះពាល់ដល់ការបត់ជើងតូចរបស់អ្នក ហើយអាចបណ្តាលឲ្យមានបញ្ហានានាផងដែរ ៖
1. ការលំបាកក្នុងការចាប់នោម
2. អ្នកត្រូវទៅនោមញឹកញាប់
3. ការលំបាកក្នុងការសម្អាតប្លោកនោម ឬនោមឲ្យអស់ពីប្លោកនោម។
ចំពោះបុរសមួយចំនួន រោគសញ្ញា គឺស្រាល និងមិនចាំបាច់ព្យាបាលទេ ប៉ុន្តែចំពោះអ្នកដទៃពួកគេអាចមានបញ្ហាធ្ងន់ធ្ងរទៅវិញ។
បុរសជាច្រើនបារម្ភថា ការដែលមានក្រពេញប្រូស្តាតរីកធំ មានន័យថា ពួកគេមានការកើនឡើងហានិភ័យនៃការវិវត្តទៅជាជំងឺមហារីកក្រពេញប្រូស្តាត។ នេះមិនមែនជាករណីដែលអ្នកត្រូវបារម្ភនោះទេ៕
ដកស្រង់ចេញពីគេហទំព័រ ៖ http://health.com.kh/
ចែករំលែកព័តមាននេះ