ខេត្តបន្ទាយមានជ័យ ៖ ឃាតកម្មសំលាប់ជាងកាត់សក់ប្លន់យកម៉ូតូក្នុងចំណោមបក្ខពួក៤នាក់ត្រូវបានកម្លាំងនគរបាលចាប់បាន២នាក់ជាជនដៃដល់ត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី៤ ខែមិថុនា ឆ្នាំ២០១៨។ ចំណែកជនសង្ស័យជាបក្ខពួក២នាក់ទៀតដែលរត់គេចខ្លួន កម្លាំងនគរបាលកំពុងស្រាវជ្រាវតាមរកចាប់ខ្លួន ។ ជនសង្ស័យដែលជាឃាតករ២នាក់រួមមាន ម្នាក់ឈ្មោះ…
ខេត្តបន្ទាយមានជ័យ ៖ ឃាតកម្មសំលាប់ជាងកាត់សក់ប្លន់យកម៉ូតូក្នុងចំណោមបក្ខពួក៤នាក់ត្រូវបានកម្លាំងនគរបាលចាប់បាន២នាក់ជាជនដៃដល់ត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី៤ ខែមិថុនា ឆ្នាំ២០១៨។ ចំណែកជនសង្ស័យជាបក្ខពួក២នាក់ទៀតដែលរត់គេចខ្លួន កម្លាំងនគរបាលកំពុងស្រាវជ្រាវតាមរកចាប់ខ្លួន ។
ជនសង្ស័យដែលជាឃាតករ២នាក់រួមមាន ម្នាក់ឈ្មោះ លុយ សុគា ហៅខ្មៅ ភេទប្រុស អាយុ២២ឆ្នាំ មុខរបរខាត់សារ៉ាស្បែកជើង រស់នៅភូមិសូភី សង្កាត់កំពង់ស្វាយ ក្រុងសិរីសោភ័ណ និងម្នាក់ទៀតឈ្មោះ ស៊ុន សុះ ភេទប្រុស អាយុ៣៧ឆ្នាំ រស់នៅភូមិរោងម៉ាស៊ី សង្កាត់អូរអំបិល ក្រុងសិរីសោភ័ណ។
លោកឧត្តមសេនីយ៍ត្រី សិទ្ធិ ឡោះ ស្នងការរងនគរបាលខេត្តបន្ទាយមានជ័យបានឱ្យដឹងថា កាលពីថ្ងៃទី២៥ខែឧសភា ឆ្នាំ២០១៨ នៅចំណុចខាងក្រោយវិទ្យាល័យខ្លាកូនប្រមាណជាង៧០០ម៉ែត្រឆៀងខាងជើង ស្ថិតក្នុងភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ត្រូវបានប្រជាពលរដ្ឋប្រទះឃើញសពអាក្រាតកាយ ស្អុយរលួយ និងមានដង្កូវចោះ ហើយបានរាយការណ៍ជូនសមត្ថកិច្ចជំនាញចុះពិនិត្យមើលស្គាល់អត្តសញ្ញាណជនរងគ្រោះឈ្មោះភឿន ស៊ីមឿន ភេទប្រុស អាយុ៣៨ឆ្នាំ មុខរបរជាងកាត់សក់ រស់នៅភូមិគោ
រដ្ឋាន សង្កាត់អូរអំបិល ក្រុងសិរីសោភ័ណ។
លោកបានបញ្ជាក់ថា ក្រោយពេលកម្លាំងជំនាញចុះពិនិត្យសពជនរងគ្រោះដែលស្លាប់អាក្រាតកាយស្អុយរលួយ និងមានដង្កូវចោះ ឃើញមានស្លាកស្នាមជាច្រើនកន្លែង ទើបកម្លាំងជំនាញបញ្ជាក់ថាជាករណីឃាតកម្មប្លន់សំលាប់ជនរងគ្រោះយកម៉ូតូ១គ្រឿង ហើយកម្លាំងជំនាញបានស្រាវជ្រាវកំណត់មុខសញ្ញាបានឃាត់ខ្លួនជនសង្ស័យ២នាក់កាលថ្ងៃទី២ ខែមិថុនា ឆ្នាំ២០១៨ នៅក្រុងសិរីសោភ័ណ និងបានបញ្ជូនជនសង្ស័យទាំង២នាក់ខាងលើមកស្នងការនគរបាលខេត្តបន្ទាយមានជ័យដើម្បីសួរចម្លើយ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានបញ្ជាក់ថា ក្រោយពេលដែលកម្លាំងនគរបាលជំនាញឃាត់ខ្លួន ជនសង្ស័យទាំង២នាក់បានឆ្លើយសារភាពថា ខ្លួនពិតជាបានសំលាប់ជនរងគ្រោះប្រាកដមែន ខណៈពេលដែលនាំជនរងគ្រោះផឹកស៊ីនៅវេទិការសួនមានជ័យ ក្នុងចំណោម៥នាក់ទាំងជនរងគ្រោះ ក្រោយពេលស្រវឹងហើយល្បួងនាំទៅផឹកស្រា និងប្រើប្រាស់គ្រឿងញៀនលើភ្នំ ហើយឆ្លៀតឱកាសដែលជនរងគ្រោះតែងខ្លួនជាភេទទី៣ (ប្រុសតែងធ្វើជាស្រី) បានរួមភេទប្រុសដូចគ្នា ហើយជនសង្ស័យឈ្មោះ លុញ សុគា ហៅម៉ៅ បានយកដបស្រាវាយក្បាលពីក្រោយ បណ្តាលឱ្យជនរងគ្រោះបែកក្បាលហូរឈាមដួលទៅលើដី និងបានយកដបដែលបែកចាក់មុខ និងក ដោយឃើញជនរងគ្រោះមិនទាន់ស្លាប់ បក្ខពួក២នាក់ទៀតបានយកដុំថ្មគប់រហូតដល់ស្លាប់ ហើយយកម៉ូតូ១គ្រឿងរបស់ជនរងគ្រោះជិះគេចខ្លួនបាត់ ។
លោកបានបញ្ជាក់ថា ក្រោយមានករណីឃាតកម្មប្លន់យកម៉ូតូកម្លាំងនគរបាលជំនាញបានស្រាវជ្រាវឃាត់ខ្លួនជនសង្ស័យបាន២នាក់ត្រូវបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ ហើយកំពុងស្រាវជ្រាវរកចាប់ខ្លួនបក្ខពួក២នាក់បន្តទៀត៕
ចែករំលែកព័តមាននេះ