សព្វ អន្តរាយាបិ វិនាសន្តុ អសេសតោ សូមឱ្យអន្តរាយទាំងឡាយវិនាសសាបសូន្យទៅ និងនាំត្រឡប់មកវិញតែនឹងសុខចម្រើន មានហុងស៊ុយ មានង៉ូវហេង មានលាភ មានលុយធំចូលមកជំនួសវិញ…
សព្វ អន្តរាយាបិ វិនាសន្តុ អសេសតោ សូមឱ្យអន្តរាយទាំងឡាយវិនាសសាបសូន្យទៅ និងនាំត្រឡប់មកវិញតែនឹងសុខចម្រើន មានហុងស៊ុយ មានង៉ូវហេង មានលាភ មានលុយធំចូលមកជំនួសវិញ ។ តាមក្បួនកំពូលហោរចិនសែបានទស្សន៍ទាយថា ក្នុងរវាងមួយសប្តាហ៍នេះគិតពីថ្ងៃទី៤ មិថុនា រហូតដល់ថ្ងៃទី១០ មិថុនា គឺឆ្នាំភ័យទាំង៤ ខាល កុរ មមែ ច មានតែមួយថ្ងៃគត់គឺនៅថ្ងៃទី៦ មិថុនា ២០១៨ខានស្អែកនេះដែលជាថ្ងៃឧបោសថសីលចំថ្ងៃស្តេចពិភពនាគធ្វើបាដិហារជះចំហាយពិសភ្លើងមកលើធ្វើឱ្យលោកអ្នកមានរាសីធ្លាក់ចុះខ្លាំង មានរឿងរកាំរកុះជាច្រើនដោយសារតែការងារចូលមកផ្ទួនៗ និងការចាញ់ល្បិចកលគេផ្សេងៗទៀត ធ្វើឱ្យលោកអ្នកមានការលំបាក និងស្មុគស្មាញក្នុងចិត្តកាន់តែខ្លាំង ។ ដូច្នេះដើម្បីបន្ធូរពីទុក្ខលំបាកទាំងអស់នេះ លោកអ្នកត្រូវតែរកឱកាសធ្វើបុណ្យទានខ្លះ ហើយស៊ែរបួងសួង កាត់គ្រោះអាក្រក់ទាំងអស់នោះ ប្តូរយកលាភសំណាងចូលមកជំនួសវិញ និងនាំឱ្យរូបអ្នក មានរាសីឡើងខ្ពស់ត្រដែត មានតែរឿងល្អៗ ចូលក្នុងជីវិត មានមនុស្សជាច្រើនស្រលាញ់រាប់អាន និងអបអររាល់ការងារដែលបានបំពេញ ព្រមទាំង មានតែមនុស្សល្អៗចាំជួយជ្រោមជ្រែងគ្រប់ៗគ្រា ។
ឆ្នាំខាល រាសីស្រុតចុះខ្លាំង នៅថ្ងៃសីលខានស្អែកនេះមិនផ្តល់ផលល្អទេសម្រាប់លោកអ្នកដែលប្រកបការងារណាមួយ ព្រោះថាផលអាក្រក់ងាយនឹងកើតឡើងខ្លាំងណាស់។ ចំណែកអ្នកប្រកបរបររកស៊ីជួញដូរវិញ មិនសូវបានចំណូលច្រើនប៉ុន្មានទេ និងជួបរឿងរកាំរកុះជាច្រើន ពិសេសមានអ្នកចាំប៉ែងជើងដើម្បីប្រជែងយកលាភ។ រីឯការធ្វើដំណើរទៅទីជិតឆ្ងាយគប្បីបន្ថែមការប្រុងប្រយ័ត្នបន្តិច ព្រោះមានពួកអមនុស្សនៅរាយតាមផ្លូវចាំយាយីអាយុជីវិតអ្នក ។ ចំណែកសម្ព័ន្ធភាពស្នេហាគូស្វាមីភរិយា កំលោះក្រមុំរកាំចិត្តនឹងគ្នាជានិច្ច ។ លេខហុងស៊ុយ ៥៧០ ។
ឆ្នាំកុរ នៅថ្ងៃសីលខានស្អែកនេះយីអ៊ុនរបស់លោកអ្នកមិនគាប់ប្រសើរទេ ចូរប្រយ័ត្នពាក្យសម្តី តាំងអារម្មណ៍ឱ្យមាំ កុំឆេវឆាវមួម៉ៅក្តៅក្រហាយមិនដឹងមុខក្រោយឱ្យសោះនាំឱ្យកើតរឿង ជះឥទ្ធិពលអាក្រក់មកលើខ្លួន។ ក្នុងការងារលោកអ្នកអាចជួបរឿងអាក្រក់កើតឡើង ដូច្នេះគប្បីប្រយ័ត្នប្រយែងបំផុត បើចេះធ្វើគធ្វើថ្លង់ខ្លះក៏ជាការប្រសើរ។ សម្រាប់អ្នករកស៊ីជួញដូរទីជិតឆ្ងាយលាភលុយច្រើនតែបោលហួស និងច្រើនជួបការចាញ់បោកគេ។ រីឯបញ្ហាស្នេហាប្រុសស្រីច្រើនមានការប្រចណ្ឌ និងចាំមើលទោសចំពោះគ្នាទៅវិញទៅមកមិនប្រពៃទាល់តែសោះ ។ លេខហុងស៊ុយ ១៦៨ ។
ឆ្នាំមមែ នៅថ្ងៃសីលខានស្អែកនេះដំណើរជីវិតរបស់លោកអ្នកមិនល្អ ធ្វើអ្វីក៏ដោយគប្បីមានការប្រុងប្រយ័ត្នខ្ពស់ទើបពុំមានបញ្ហាចោទឡើង។ ចំពោះអ្នកប្រកបរបររកស៊ីជួញដូរមិនថាជួញទីជិតឆ្ងាយតែងមិនហុចផលផ្លែផ្កាមកវិញជាទីកក់ក្តៅឡើយ ។ ការធ្វើដំណើរទៅទីឆ្ងាយជិតច្រើនជួបបញ្ហាជាច្រើនគប្បីប្រយ័ត្នប្រយែងខ្ពស់ ។ ចំពោះរឿងស្នេហាគូស្វាមីភរិយា កំលោះក្រមុំច្រើនតែខ្វែងគំនិតគ្នា ។ លេខហុងស៊ុយ ៩៩៩
ឆ្នាំច រាសីស្រុតចុះខ្លាំង នៅថ្ងៃសីលខានស្អែកនេះដោយសារយីអ៊ុនលោកអ្នកធ្លាក់ចុះ ដូច្នេះបើចង់ធ្វើអ្វីមួយក៏ដោយត្រូវតែប្រយ័ត្នប្រយែងបន្តិចទើបបញ្ហាអាក្រក់មិនអាចចូលមកបៀតបៀនបាន ។ សម្រាប់អ្នកប្រកបរបររកស៊ីជួញដូរ នឹងមានក្រុមមនុស្សតាមឈ្នានីសនិងព្យាបាទច្រើន ដូច្នេះលោកអ្នកត្រូវរក្សាភាពស្ងប់ស្ងាត់ ធ្វើចិត្តឱ្យរឹងមាំកុំរេទៅតាមខ្យល់ទើបចៀសផុតពីជម្លោះទាំងពួង ។ ចំណែកសម្ព័ន្ធភាពស្នេហាគូស្វាមីភរិយា កំលោះក្រមុំ ភាគច្រើនមានគំនិតក្នុងផ្លូវអាក្រក់ ចំពោះគ្នា ស្រួលមិនស្រួលអាចផ្ទុះជម្លោះក៏ថាបាន ។ លេខហុងស៊ុយ ៥៥៥ ។
ចែករំលែកព័តមាននេះ