យោងទៅតាមសេចក្តីរាយការណ៍ដែលមិនត្រឹមត្រូវមួយរបស់របស់សារព័ត៌មាន Mail Online បានឲ្យដឹងថា ការកាត់បន្ថយការញ៉ាំសាច់ក្រហមអាចបន្ថយការកើតជំងឺមហារីកពោះវៀនរបស់មនុស្សយើងបានយ៉ាងគួរឲ្យកត់សម្គាល់ ។ សារព័ត៌មានមួយនេះបានរាយការណ៍នៅលើការសិក្សារបស់អង់គ្លេសថ្មីមួយដែលមានគោលដៅដើម្បីវាយតម្លៃថាតើរបបអាហារ ខុសៗគ្នាមានជាប់ទាក់ទងនឹងជំងឺមហារីកពោះវៀនធំ និងចុងពោះវៀនធំ ឬអត់ក្នុងខ្លួនមនុស្សស្រី ។
ជំងឺមហារីកពោះវៀនគឺជាជំងឺមហារីកដែលកើតឡើងញឹកញាប់ជាងគេបំផុតចំណាត់ថ្នាក់ទីពីរលើមនុស្សស្រីក្នុងទូរទាំងពិភពលោក ។ តាមការសិក្សា មុនៗគេបានភ្ជាប់ការទាក់ទងទៅលើការញ៉ាំសាច់ក្រហមជាមួយនឹងការប្រឈមកាន់តែខ្ពស់នឹងជំងឺមហារីកពោះវៀន។ ភ្នាក់ងារអន្តរជាតិសម្រាប់ការស្រាវជ្រាវលើជំងឺមហារីកបានធ្វើចំណាត់ថ្នាក់សាច់ក្រហមថា ជាភ្នាក់ងារបង្កជំងឺមហារីក ដែលវាអាចបង្កជាមហារីកលើមនុស្សយើងបាន ។
យ៉ាងណាមិញ វាមិនសូវច្បាស់ថា របបអាហារបួស និងអាហារមានជាតិសាច់តិចមានជាប់ទាក់ទងនឹងការបន្ថយការប្រឈមនឹងជំងឺមហារីកពោះវៀនឬអត់ឡើយ ។ ថ្វីបើសេចក្តីរាយការណ៍របស់សារព័ត៌មានខាងលើនិយាយបែបនេះក៏ដោយ តែការសិក្សាមិនបានរកឃើញថា របបអាហារគ្មានជាតិសាច់ក្រហម អាចបន្ថយការប្រឈមនឹងជំងឺមហារីកពោះវៀនយ៉ាងគួរឲ្យកត់សម្គាល់នោះទេ ។
ការទាក់ទងមួយគ្រាន់ត្រូវបានរកឃើញទៅលើមហារីកចុងពោះវៀនធំ និងចំនួននៃស្ត្រីមានជំងឺមហារីកប្រភេទនេះគឺតិចប៉ុណ្ណោះ មានន័យថាវាមានឱកាសមួយក្នុងការរកឃើញ ។
យ៉ាងណាមិញតាមក្បួនណែនាំរបស់អង់គ្លេសនាពេលបច្ចុប្បន្ននេះទៅលើសាច់ក្រហម គឺមិនមានការប្រែប្រួលឡើយ វាត្រូវបានគេណែនាំថា អ្នកដែលញ៉ាំសាច់ក្រហមឬសាច់កៃឆ្នៃមិនច្រើនជាង៧០ក្រាមក្នុងមួយថ្ងៃគឺជារឿងល្អ ៕
ស្រង់ពីគេហទំព័រសុខភាព
ចែករំលែកព័តមាននេះ