ខេត្តសៀមរាប ៖ ស្ត្រីវ័យ២២ឆ្នាំម្នាក់ ពេលមុនបានលេបថ្នាំសម្លាប់ខ្លួនតែមិនស្លាប់ ក៏ដើរទៅយកសម្រាប់ដាក់ព្យួរអាវពណ៌ខៀវទៅចងភ្ជាប់នឹងបង្អូចក្នុងបន្ទប់ដេករបស់ខ្លួនជាន់ទី២ឯងម្តងទៀតជាមួយកន្សែងពោះគោ ពណ៌.ស មកចង.កសម្លាប់ខ្លួនស្លាប់បានសម្រេច បង្កការភ្ញាក់ផ្អើលពេញភូមិ កាលពីវេលាម៉ោង ០៥…
ខេត្តសៀមរាប ៖ ស្ត្រីវ័យ២២ឆ្នាំម្នាក់ ពេលមុនបានលេបថ្នាំសម្លាប់ខ្លួនតែមិនស្លាប់ ក៏ដើរទៅយកសម្រាប់ដាក់ព្យួរអាវពណ៌ខៀវទៅចងភ្ជាប់នឹងបង្អូចក្នុងបន្ទប់ដេករបស់ខ្លួនជាន់ទី២ឯងម្តងទៀតជាមួយកន្សែងពោះគោ ពណ៌.ស មកចង.កសម្លាប់ខ្លួនស្លាប់បានសម្រេច បង្កការភ្ញាក់ផ្អើលពេញភូមិ កាលពីវេលាម៉ោង
០៥ និង៣០នាទីល្ងាចថ្ងៃទី០៣ មិថុនា ស្ថិតនៅចំណុចភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាបដោយសារខឹងប្តីលេងល្បែងនិយាយគ្នាមិនស្តាប់ ហើយមិនចេះជួយការងារផ្ទះ ។
សេចក្តីរាយការណ៍ឱ្យដឹងថា ស្ត្រីរងគ្រោះឈ្មោះ គឹម លក្ស្មី (Kim Leaksmy) ហៅ ស្រីនុច អាយុ២២ឆ្នាំ ជាលក់ដូរ មានប្តីឈ្មោះទ្រី វណ្ណធី អាយុ២៤ឆ្នាំ ហើយមានកូនប្រុសម្នាក់អាយុ៣ឆ្នាំ ពួកគេមានទីលំនៅនៅចំណុចកើតហេតុ ។
បើតាមប្រភពពីសមត្ថកិច្ចមូលដ្ឋានថា មុនពេលកើតហេតុ មានបងប្អូនខាងជនរងគ្រោះនិងប្រជាពលរដ្ឋដែលស្គាល់ បានមកប្រាប់សមត្ថកិច្ចថា មានករណីចង.កសម្លាប់ខ្លួន ពេលនោះសមត្ថកិច្ចជំនាញ ក៏បានចុះដល់កន្លែងកើតហេតុ ប៉ុន្តែត្រូវបងប្អូនបានដឹកជនរងគ្រោះទៅសង្គ្រោះនៅមន្ទីរពេទ្យ ខ្លាចក្រែងអត់ទាន់ស្លាប់ តែខាងមន្ទីរពេទ្យបានប្រាប់ថា នាងបានស្លាប់បាត់ទៅហើយ ។
បន្ទាប់ពីសមត្ថកិច្ចជំនាញពិនិត្យរួចរាល់ហើយ ព្រមទាំងធ្វើកោសល្យវិច័យរួចបានសន្និដ្ឋានថា ស្ត្រីរងគ្រោះគឺពិតជាចង.ករសម្លាប់ខ្លួនឯងពិតប្រាកដមែន ។
ចែករំលែកព័តមាននេះ