ក្នុងសម័យណាក៏ដោយ ការេសពគប់មនុស្សនេះជារឿងធំបំផុត បើសេពគប់ខុសហើយនឹងនាំខ្លួនទៅរកសេចក្តីវិនាសអន្តរាយចាកលាភផ្សេងៗ តែបើបុគ្គលសេពគប់ត្រូវវិញ នឹងនាំយើងទៅរកសេចក្តីចម្រើនថ្កុំថ្កើង និងមានអនាគតល្អ។ នៅក្នុងមង្គលសូត្រ ព្រះភគវាទ្រង់សរសើរដល់អ្នកដែលបានចូលទៅសេពគប់នឹងបណ្ឌិតចាត់ទុកថា ជាការសេពគប់ត្រូវសមដូចបាលីមួយឃ្លាលើកឡើងថា៖ បណ្ឌិតានញ្ច…
ក្នុងសម័យណាក៏ដោយ ការេសពគប់មនុស្សនេះជារឿងធំបំផុត បើសេពគប់ខុសហើយនឹងនាំខ្លួនទៅរកសេចក្តីវិនាសអន្តរាយចាកលាភផ្សេងៗ តែបើបុគ្គលសេពគប់ត្រូវវិញ នឹងនាំយើងទៅរកសេចក្តីចម្រើនថ្កុំថ្កើង និងមានអនាគតល្អ។
នៅក្នុងមង្គលសូត្រ ព្រះភគវាទ្រង់សរសើរដល់អ្នកដែលបានចូលទៅសេពគប់នឹងបណ្ឌិតចាត់ទុកថា ជាការសេពគប់ត្រូវសមដូចបាលីមួយឃ្លាលើកឡើងថា៖
បណ្ឌិតានញ្ច សេវនា ឯតម្មង្គលមុត្តមំ កិរិយាសេពគប់នូវបណ្ឌិតទាំងឡាយជាមង្គលដ៏ឧត្តម។
ប្រាកដណាស់ បណ្ឌិតទាំងឡាយក្នុងលោកមានព្រះពុទ្ធជាដើម ទោះបីកាលលោកនៅមានសន្តានជាបុថុជ្ជននៅឡើយក្តី លោកមិនដែលកាត់ប្រយោជន៍របស់ខ្លួននិងប្រយោជន៍អ្នកដទៃឡើយ។
លោកតែងប្រកបដោយហិរិនិងឱត្តប្បៈ ព្រមទាំងប្រកបដោយ សទ្ធា សីល សុតៈ ចាគៈ និងបញ្ញា ប្រព្រឹត្តព្យាយាមធ្វើប្រយោជន៍៣ប្រការគឺ ប្រយោជន៍ជតិនេះ ជាតិខាងមុខ និងប្រយោជន៍ដ៏ក្រៃលែងគឺព្រះនិព្វានជារឿយៗ។
បុគ្គលដែលចូលទៅសេពគប់នឹងបណ្ឌិតទាំងឡយរមែងបានផលប្រយោជន៍ក្នុងពេលបច្ចុប្បន្ននេះភ្លាមៗ មិនចាំបាច់រង់ចាំជាតិមុខ ជាតិក្រោយឡើយ ។
ចែករំលែកព័តមាននេះ