ចិន ៖ តាមប្រភពព័ត៌មាន Oddity Central បានឲ្យដឹងថា តាមវីដេអូមួយដែលថតបានពីទិដ្ឋភាពពងមាន់ញាស់ទៅជាកូនមាន់នៅលើរថយន្តដឹកស៊ុត បានក្លាយជាប្រធានបទពិភាក្សាក្តៅលើបណ្តាញសង្គមនៅប្រទេសចិន។ យើងអាចនឹងធ្លាប់លឺគេនិយាយថា «មេឃក្តៅពេក…
ចិន ៖ តាមប្រភពព័ត៌មាន Oddity Central បានឲ្យដឹងថា តាមវីដេអូមួយដែលថតបានពីទិដ្ឋភាពពងមាន់ញាស់ទៅជាកូនមាន់នៅលើរថយន្តដឹកស៊ុត បានក្លាយជាប្រធានបទពិភាក្សាក្តៅលើបណ្តាញសង្គមនៅប្រទេសចិន។
យើងអាចនឹងធ្លាប់លឺគេនិយាយថា «មេឃក្តៅពេក ប្រហែលជាអាចភ្ញាស់ពងមាន់បាន»។ ពេលនេះមានមែនហើយ។ តាមរយៈវីដេអូខ្លីមួយពីប្រទេសចិន កូនមាន់យ៉ាងតិចប្រាំក្បាលញាស់នៅលើរថយន្តដឹកស៊ុត ខណៈពេលដឹកជញ្ជូន។
គេមិនដឹងថា វីដេអូនេះថតនៅខាងណានៅប្រទេសចិននោះទេ។ តែគេគ្រាន់តែដឹងថា នៅពេលនេះអាកាសធាតុក្តៅមិនធម្មតាដល់ថ្នាក់ធ្វើឲ្យពងមាន់ញាស់បានដោយមិនបាច់ឲ្យមេក្រាប ឬប្រើប្រាស់ម៉ាស៊ីន។
ភាពចម្រុងចម្រាស់គ្នាមួយទៀត ក្រៅពីការនិយាយពីអាកាសធាតុក្តៅ មហាជនខ្វល់ខ្វាយពីស៊ុតដែលពួកគេទទួលទាន។ អ្នកខ្លះលើកឡើងថា ស៊ុតដែលយើងទទួលទានអាចជាស៊ុតដែលមានកូនមាន់នៅក្នុងនោះ។ តែអ្នកខ្លះថា ស៊ុតក្នុងវីដេអូនោះ គឺជាស៊ុតសម្រាប់យកទៅភ្ញាស់ជាកូន មិនមែនសម្រាប់ហូបទេ៕
វីដេអូដកស្រង់ចេញពី ៖ Twisted Facts
https://www.youtube.com/watch?v=ZI89-Y-GkJc
ចែករំលែកព័តមាននេះ