ប្រទេសរុស្ស៊ី ៖ ពិតជារឿងគួរឲ្យភ្ញាក់ផ្អើលមួយ ដែលអតីតអ្នកបើកយន្តហោះយោធាសូវៀតម្នាក់ចាត់ទុកថា បាត់ខ្លួនតាំងពីយន្តហោះគេត្រូវបាញ់ធ្លាក់នៅអាហ្វហ្គានីស្ថាន តាំងពីឆ្នាំ១៩៨៧មក ទើបរកឃើញនៅរស់ក្នុងប្រទេសប៉ាគីស្ថាន ជាកន្លែងបញ្ជួនឈ្លើយសឹកសូវៀតទៅនាសម័យសង្គ្រាម ដែលសូវៀតកាន់កាប់អាហ្វហ្គានីស្ថាន។…
ប្រទេសរុស្ស៊ី ៖ ពិតជារឿងគួរឲ្យភ្ញាក់ផ្អើលមួយ ដែលអតីតអ្នកបើកយន្តហោះយោធាសូវៀតម្នាក់ចាត់ទុកថា បាត់ខ្លួនតាំងពីយន្តហោះគេត្រូវបាញ់ធ្លាក់នៅអាហ្វហ្គានីស្ថាន តាំងពីឆ្នាំ១៩៨៧មក ទើបរកឃើញនៅរស់ក្នុងប្រទេសប៉ាគីស្ថាន ជាកន្លែងបញ្ជួនឈ្លើយសឹកសូវៀតទៅនាសម័យសង្គ្រាម ដែលសូវៀតកាន់កាប់អាហ្វហ្គានីស្ថាន។
ឧត្តមសេនីយ៍ វ៉ាឡឺរីវ៉ូស្ត្រូទីន ប្រមុខសម្ព័ន្ធភាពអ្នកលោតឆ័ត្រយោងរុស្ស៊ីអះអាងថា អ្នកបើកយន្តហោះរូបនេះនៅរស់ ដែលជារឿងគួរឲ្យភ្ញាក់ផ្អើលមួយ។ លោកថា អ្នកបើកយន្តហោះរូបនោះ ដែលពុំទាន់ដឹងគាត់ចង់វិលត្រឡប់មកប្រទេសវិញ។ អ្នកបើកយន្តហោះដែលពួកមូចាហ៊ីឌីនបាញ់ធ្លាក់ ពេលនេះមានអាយុយ៉ាងតិច៦០ឆ្នាំ។ គេរស់នៅដោយបាត់ដំណឹងឈឹងចាប់តាំងពីច្រើនសិបឆ្នាំមកហើយ។ ការចរចាកំពុងធ្វើជាមួយពួកអ្នកការទូតអាហ្វហ្គានីស្ថាន ដើម្បីបញ្ជាក់ពីអត្តសញ្ញាណរបស់គេ ហើយរៀបចំការធ្វើមាតុភូមិនិវត្តន៍។
កងទ័ពសូវៀតមានវត្តមាននៅអាហ្វហ្គានីស្ថាន រយៈពេលជាង៩ឆ្នាំ គឺពីខែធ្នូ ឆ្នាំ១៩៧៩ដល់ខែកុម្ភៈ ឆ្នាំ១៩៨៩។ ទាហានសូវៀតប្រមាណ៣០០នាក់ចាត់ទុកថា បាត់ខ្លួន តែក្រោយមក៣០នាក់ត្រូវបានរកឃើញ៕
ចែករំលែកព័តមាននេះ