ខេត្តក្រចេះ ៖ រថយន្តយីឌុបដឹកដំឡូងមីមួយគ្រឿងបានប្រះខ្លួនដេកស្តូកនៅលើផ្លូវជាតិលេខ៧ទាំងព្រឹកព្រលឹមថ្ងៃទី២០ កុម្ភៈ ត្រង់ចំណុចជិតផ្លូវបំបែកខ្លាស្ទុះក្នុងសង្កាត់អូរឫស្សី ក្រុងក្រចេះ ខណៈដែលរថយន្តនេះដឹកលើសចំណុះបណ្តាលឱ្យបែកកង់ ។ហេតុការណ៍ក្រឡាប់រថយន្តដឹកដំឡូងមីនេះ មិនបានបង្កឱ្យមនុស្សណាម្នាក់រងរបួសទេ គ្រាន់តែបង្កឱ្យមានការកកស្ទះចរាចរណ៍មួយ
ខេត្តក្រចេះ ៖ រថយន្តយីឌុបដឹកដំឡូងមីមួយគ្រឿងបានប្រះខ្លួនដេកស្តូកនៅលើផ្លូវជាតិលេខ៧ទាំងព្រឹកព្រលឹមថ្ងៃទី២០ កុម្ភៈ ត្រង់ចំណុចជិតផ្លូវបំបែកខ្លាស្ទុះក្នុងសង្កាត់អូរឫស្សី ក្រុងក្រចេះ ខណៈដែលរថយន្តនេះដឹកលើសចំណុះបណ្តាលឱ្យបែកកង់ ។ហេតុការណ៍ក្រឡាប់រថយន្តដឹកដំឡូងមីនេះ មិនបានបង្កឱ្យមនុស្សណាម្នាក់រងរបួសទេ គ្រាន់តែបង្កឱ្យមានការកកស្ទះចរាចរណ៍មួយស្របក់ទើបដំណើរការធម្មតាវិញ ក្រោយពេលមានការចុះសម្រួលរបស់នគរបាលចរាចររួចមក ។
រថយន្តយីឌុបបង្កគ្រោះថ្នាក់ដោយខ្លួនឯងនេះម៉ាកហ៊ីយ៉ាន់ដាយពណ៌ស ពាក់ស្លាកលេខភ្នំពេញ 3A-2561 បើកបរដោយឈ្មោះ ចាន់ សឿន អាយុ២៦ឆ្នាំនៅខេត្តកំពង់ចាម ។ អ្នកបើកបរបាននិយាយថា រថយន្តមួយគ្រឿងនេះបានដឹកដំឡូងមីស្ងួតចេញពីខេត្តស្ទឹងត្រែងឆ្ពោះទៅស្រុកមេមត់ ខេត្តកំពង់ចាម ។តាមការសន្និដ្ឋានរបស់មន្ត្រីជំនាញបានបញ្ជាក់ថា ដោយសារតែរថយន្តនេះផ្ទុកលើសចំណុះ ទើបបណ្តាលឱ្យបែកកង់មុខក្រឡាប់ចាក់ដំឡូងមីពេញផ្លូវ ៕
ចែករំលែកព័តមាននេះ