ខេត្តកំពត ៖ ជនសង្ស័យជាមុខសញ្ញាចែកចាយ និងជួញដូរគ្រឿងញៀនម្នាក់ត្រូវបានកំលាំងមន្ទីរយុត្តិធម៌នៃកងរាជអាវុធហត្ថខេត្តចាប់ឃាត់ខ្លួនកាលពីវេលាម៉ោង៦និង១០នាទីយប់ថ្ងៃទី៣១ ឧសភា ២០១៨ នៅចំណុចភូមិក្រាំង សង្កាត់ក្រាំងអំពិល ក្រុងកំពត។ ក្នុងករណីចុះបង្ក្រាបខាងលើ…
ខេត្តកំពត ៖ ជនសង្ស័យជាមុខសញ្ញាចែកចាយ និងជួញដូរគ្រឿងញៀនម្នាក់ត្រូវបានកំលាំងមន្ទីរយុត្តិធម៌នៃកងរាជអាវុធហត្ថខេត្តចាប់ឃាត់ខ្លួនកាលពីវេលាម៉ោង៦និង១០នាទីយប់ថ្ងៃទី៣១ ឧសភា ២០១៨ នៅចំណុចភូមិក្រាំង សង្កាត់ក្រាំងអំពិល ក្រុងកំពត។
ក្នុងករណីចុះបង្ក្រាបខាងលើ ដោយមានការចង្អុលបញ្ជាពីលោកឧត្តមសេនីយត្រី កែវ សុផល មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីដោយលោក មុត ដារ៉ា ព្រះរាជអាជ្ញារងអមសាលាដំបូងខេត្តផងដែរ ។
ក្នុងប្រតិបត្តិការចុះបង្ក្រាបបទល្មើសគ្រឿងញៀនដែលដឹកនាំផ្ទាល់ពីលោកហែម ចាន់ដារ៉ា មេបញ្ជាការរងនិងជាប្រធានមន្ទីរយុត្តិធម៌នៃកងរាជអាវុធហត្ថខេត្តនាពេលនេះ ជាលទ្ឋផលគឺបានឃាត់ខ្លួនមុខសញ្ញាជនសង្ស័យបានម្នាក់ រួមនឹងវត្ថុតាងថ្នាំញៀនចំនួន៣កញ្ចប់តូច (ប្រភេទម៉ាទឹកកក) មានទម្ងន់០,៥៥ក្រាម,
ទូរសព្ទ័ដៃម៉ាកណូគា១គ្រឿង, ម៉ូតូមួយគ្រឿងម៉ាក Zoomer ពណ៌ក្រហមលាយស គ្មានស្លាកលេខ១ ។
បច្ចុប្បន្ន ជនសង្ស័យរួមនឹងវត្ថុតាង ត្រូវបានមន្ទីរយុត្តិធម៌នៃកងរាជអាវុធហត្ថខេត្តបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធ៕
ចែករំលែកព័តមាននេះ