រាជធានីភ្នំពេញ ៖ មិនដឹងថា កញ្ញាទាំង២ដួងនេះយល់ជ្រាបពីបញ្ហានេះយ៉ាងណានៅឡើយទេ ស្របពេលដែលរូបភាពក្នុងនាមជាតារាសិល្បៈខ្មែរដែលនាងបង្ហោះចេញជាសាធារណៈមួយចំនួនមានការលេចឡើងនូវភាពយេរៗជាច្រើន រហូតដល់ថ្នាក់លើលំដាប់ក្រសួងតាមចាំច្បិចមកណែនាំហើយ។ បន្ទាប់ពីតារាសម្ដែងកញ្ញា ដេនី ក្វាន់ ត្រូវបានក្រសួងវប្បធម៌ដាក់បម្រាមមិនឱ្យមានមុខសម្ដែងអស់មួយឆ្នាំ…
រាជធានីភ្នំពេញ ៖ មិនដឹងថា កញ្ញាទាំង២ដួងនេះយល់ជ្រាបពីបញ្ហានេះយ៉ាងណានៅឡើយទេ ស្របពេលដែលរូបភាពក្នុងនាមជាតារាសិល្បៈខ្មែរដែលនាងបង្ហោះចេញជាសាធារណៈមួយចំនួនមានការលេចឡើងនូវភាពយេរៗជាច្រើន រហូតដល់ថ្នាក់លើលំដាប់ក្រសួងតាមចាំច្បិចមកណែនាំហើយ។
បន្ទាប់ពីតារាសម្ដែងកញ្ញា ដេនី ក្វាន់ ត្រូវបានក្រសួងវប្បធម៌ដាក់បម្រាមមិនឱ្យមានមុខសម្ដែងអស់មួយឆ្នាំ បានធ្វើឱ្យតារាស្រីស៊ិចស៊ីនៅក្នុងពិភពសិល្បៈមួយចំនួនចាប់ផ្ដើមខ្លាចញញើត។ បើទោះជាបម្រាមមួយនេះ ត្រូវបានប្រកាសផ្ដល់សេរីភាពឱ្យ កញ្ញា ដេនីក្វាន់ វិញ កាលពីថ្ងៃទី២៥ ឧសភា កន្លងទៅក៏ដោយ ក៏តារាស្រីនៅមិនទាន់ជម្រុះអស់នូវភាពស៊ិចស៊ីមួយចំនួន ត្រូវបានគេកត់សម្គាល់។
ប្រភពពីក្រសួងវប្បធម៌ ត្រូវបានទម្លាយថា ក្នុងចំណោមតារាស៊ិចស៊ីដែលទំនងបន្តបម្រាមស្នងកញ្ញា ដេនីក្វាន់ គឺមាន កញ្ញា ពេជ្រ អាវីហ្សា និង សេង សូណា ត្រូវបានក្រសួងប្រកាសចាំឃ្លាំមើលពីភាពស៊ិចស៊ីរបស់ពួកនាងបន្ទាប់។ ប្រភពពីមន្ត្រីក្រសួងវប្បធម៌បានថ្លែងបញ្ជាក់ថា ក្នុងកិច្ចប្រជុំពីបញ្ហាដកបម្រាមលើតារាសម្ដែង កញ្ញា ដេនី ក្វាន់ កន្លងទៅ មានការលើកឡើងពីឈ្មោះតារាស្រីជាច្រើនផ្សេងទៀត ដែលក្រសួងយល់ថានៅមានការតុបតែងខ្លួនមិនសូវសមរម្យ បានធ្វើឱ្យប៉ះពាល់ដល់តម្លៃសិល្បៈខ្មែរ។
ក្នុងចំណោមតារាទាំងនោះ តារាស្រីល្បីៗ២រូប ដែលគេស្គាល់ពេញត្រចៀកជាងគេ គឺកញ្ញា ពេជ្រ អាវីហ្សា និងតារាសម្ដែងដើមទ្រូងហូរហៀរ កញ្ញា សេង សូណា ដែលក្រសួងតែងលើកឈ្មោះយកមកនិយាយច្រើនជាងគេ បើទោះជាមិនទាន់ដឹងថា តើនឹងឈានដល់ការដាក់វិធានការបិទចោលការសម្ដែងបែបនេះ ឬមួយយ៉ាងណា?
ប្រភពពីមន្ត្រីដែលបានចូលប្រជុំនៅក្នុងកិច្ចប្រជុំពីបញ្ហាប៉ះពាល់របស់តារាសិល្បៈបង្ហើបថា «បន្ទាប់ពីក្រសួងសម្រេចដកវិន័យលើតារាសម្ដែង ដេនី ក្វាន់ នៅមានតារាស្រីមួយចំនួនផ្សេងទៀត ដែលយើងកំពុងឃ្លាំមើល ហើយយើងមិនទាន់កំណត់ថា នឹងចេញលិខិតដូចដេនីក្វាន់ទេ តែយើងរង់ចាំមើលពួកគាត់បន្តិចទៀតសិន!»។ មន្ត្រីដដែលនិយាយថា ក្នុងចំណោមតារាស្រីដែលខាងក្រសួងលើកឈ្មោះមកប្រជុំច្រើនជាងគេ ក៏មានតារាស្រី ពេជ្រ អាវីហ្សា និង សេង សូណា ផងដែរ ទើបធ្វើឱ្យគេមានចាប់អារម្មណ៍ថា ក្រសួងនឹងអាចដាក់ចេញវិធានការ ចេញបម្រាមមិនឱ្យផលិតករទទួលយកឱ្យសម្ដែងក្នុងរយៈពេលជាប់បម្រាមដូចគ្នានឹង កញ្ញា ដេនី ក្វាន់ កន្លងមកដែរ ក្នុងពេលដែលក្រសួងនៅបន្តវិភាគពីការតែងខ្លួនរបស់តារាស៊ិចស៊ីមួយចំនួនបន្តពីនាងបែបនេះ។
យ៉ាងណាក៏ដោយ គេមើលឃើញថា តារាសម្ដែងកញ្ញា ពេជ្រ អាវីហ្សា ទំនងមិនជាប់បម្រាមក្នុងគម្រោងពិន័យរបស់ក្រសួងនៅថ្ងៃខាងមុខនោះទេ បើទោះជាឈ្មោះរបស់នាងត្រូវបានក្រសួងលើកយកមកបញ្ជាក់ក្នុងចំណោមតារាស៊ិចស៊ី ដែលក្រសួងនឹងពិចារណាចេញពិន័យ។ នោះគឺដោយសារតែនាងបញ្ចេញភាពស៊ិចស៊ីបន្តិចមែន ប៉ុន្តែនៅមានលក្ខណៈជាសិល្បៈ ហើយមើលទៅទទួលយកបានជាងតារាដែលជាប់ក្នុងបញ្ជីខ្មៅផ្សេងទៀត។
ប្រភពពីក្រសួងវប្បធម៌បន្តថា ពេជ្រ អាវីហ្សា ត្រូវគេលើកឈ្មោះ បន្ទាប់ពីនាងបង្ហាញខ្លួនក្នុងឈុត MV ស៊ិចស៊ីប៉ុន្មានបទចុងក្រោយ។
បើតាមយោបល់កន្លងមក ពេជ្រ អាវីហ្សា បានប្រាប់សារព័ត៌មានជាច្រើននៅថ្ងៃខួបកំណើតនាងថា នឹងកាត់បន្ថយការស្លៀកពាក់សិចស៊ី ខ្លាចមានការរិះគន់ ដោយមិនចង់ឱ្យគេស្អប់ និងមិនចូលចិត្តនាង។
ចែករំលែកព័តមាននេះ