ដើម្បីឱ្យសីលរបស់ខ្លួនបរិសុទ្ធ អ្នកបួសមិនគួរប្រព្រឹត្តបាបធម៌ពីរយ៉ាងជាដាច់ខាត ព្រោះអកុសលធម៌ពីរយា៉ាងនេះមិនបានធ្វើឱ្យសាសនារុងរឿងទេ តែបែរជាទាញឧត្តមភេទឱ្យរួចចុះទៅវិញទេ ។ បាបធម៌ពីរប្រការនេះមាន ៖
១-និប្បេសិកតា បានដល់ការនិយាយកៀរគរដោយប្រើសម្តីដូចជាខ្នោសសម្រាប់កោសយកលាភសក្ការៈពីទាយក ដោយការប្រើពាក្យល្អខ្លះ អាក្រក់ខ្លះ លើកសរសើរខ្លះ ចំអកចំអន់ខ្លះ ឱ្យតែគេប្រគេនវត្ថុផ្សេងៗដល់ខ្លួនទោះជាគេមានសទ្ធាក្តី ឬគ្មានសទ្ធាក្តី ។
២-លាភេន លាភំ និជ្ជិគឹសនតា បានដល់ភិក្ខុខ្លះដែលចង់បានលាភសក្ការៈ និងកិត្តិយស កិត្តិស័ព្ទដល់ខ្លួនដោយអំពើដ៏លាមក ក៏នាំយកវត្ថុជាលាភផ្សេងៗដែលខ្លួនបានពីនេះ ទៅជូនញាតិញោមឯណោះយកផ្លែឈើឬវត្ថុដ៏សមគួរណាមួយដោយការទិញដូរទៅឱ្យត្រកូលនោះ ដើម្បីសម្តែងការគួរសម ហើយនឹងឱ្យគេដឹងគុណូបការៈ គេនឹងប្រគេនវត្ថុច្រើនមកខ្លួនវិញ ។
ចែករំលែកព័តមាននេះ