ប្តីកំណាចកា.ប់ក្បាលប្រពន្ធ ត្រូវសមត្ថកិច្ចចាប់ខ្លួន
- កំពង់ធំ
ខេត្តកំពង់ធំ ៖ លោកវរសេនីយ៍ត្រី វ៉ន សុភ័ណ្ឌ អធិការរងនគរបាលស្រុកស្ទោង ទទួលផ្នែកព្រហ្មទណ្ឌបានឲ្យដឹងថា ជនសង្ស័យម្នាក់ឈ្មោះ រួន រ…
ខេត្តកំពង់ធំ ៖ លោកវរសេនីយ៍ត្រី វ៉ន សុភ័ណ្ឌ អធិការរងនគរបាលស្រុកស្ទោង ទទួលផ្នែកព្រហ្មទណ្ឌបានឲ្យដឹងថា ជនសង្ស័យម្នាក់ឈ្មោះ រួន រ ភេទប្រុស អាយុ៤០ឆ្នាំ មុខរបរកសិករ រស់នៅភូមិចេក ឃុំកំពង់ចិនជើង ស្រុកស្ទោង ខេត្តកំពង់ធំ ត្រូវបញ្ជូនទៅកាន់ស្នងការនគរបាលខេត្តកាលពីព្រឹកថ្ងៃទី២ ខែមិថុនា ឆ្នាំ២០១៨ នេះពាក់ពន្ធ័ករណីហិង្សាដោយស្រវឹងស្រាហើយទាញពូថៅកាប់ក្បាលប្រពន្ធ តាមមាត្រា២២២នៃក្រមព្រហ្មទណ្ឌ ។
ស្ត្រីម្នាក់ដែលត្រូវបានបុរសជាប្តីផឹកស្រាស្រវឹងរករឿងទាញពូថៅកាប់បណ្ដាលឲ្យរងរបួសធ្ងន់ ករណីហិង្សាប្រព្រឹត្តដោយបុរសជាប្តីបានកើតឡើងកាលពីវេលាម៉ោង៩និង១០នាទីយប់ថ្ងៃទី៣១ ខែឧសភា ឆ្នាំ២០១៨ នៅភូមិចេក ឃុំកំពង់ចិនជើង ស្រុកស្ទោង ខេត្តកំពង់ធំ ។
ជនរងគ្រោះជាប្រពន្ធឈ្មោះ ឆន ស្រី អាយុ៤៣ឆ្នាំ ត្រូវប្តីកាប់ក្បាលមួយពូថៅបណ្តាលឲ្យរងរបួសធ្ងន់ តាមការបំភ្លឺរបស់ស្ត្រីរងគ្រោះបានឱ្យដឹងថា នៅយប់ថ្ងៃកើតហេតុខាងលើ ពេលប្តីរបស់គាត់បានត្រឡប់មកពីផឹកស៊ីវិញ មានសភាពស្រវឹងជោក ហើយបានរករឿងឈ្លោះគ្នាជាមួយគាត់ ទើបបណ្តាលឲ្យកើតជាអំពើហិង្សា ហើយប្តីរបស់គាត់ក៏បានទាញពូថៅមកកាប់គាត់ចំក្បាលមួយកន្លែងផ្នែកខាងក្រោយបណ្តាលឲ្យរបួសធ្ងន់ រួចរត់គេចខ្លួនបាត់ ។ ចំណែកស្ត្រីរងគ្រោះជាប្រពន្ធក៏ត្រូវបានបញ្ជូនទៅសំរាកព្យាបាលនៅមន្ទីពេទ្យបង្អែកស្រុកស្ទោង រហូតដល់ថ្ងៃទី១ ខែមិថុនា ឆ្នាំ២០១៨នេះ ទើបកម្លាំងសមត្ថកិច្ចចាប់ខ្លួនជនសង្ស័យជាប្តីបាន ហើយកសាងសំណុំរឿងបញ្ជូនទៅកាន់ស្នងការនគរបាលខេត្តដើម្បីចាត់ការបន្តតាមច្បាប់នៅថ្ងៃទី២ ខែមិថុនា ឆ្នាំ២០១៨នេះ ៕
ចែករំលែកព័តមាននេះ