ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា បុរសម្នាក់បានស្លាប់ភ្លាមៗនៅនឹងកន្លែង ក្នុងហេតុការណ៍គ្រោះថ្នាក់ចរាចរណ៍មួយ រវាងម៉ូតូបុកជាមួយរថយន្តដឹកអ្នកដំណើរមួយគ្រឿងយ៉ាងពេញទំហឹង និងពេលមេឃកំពុងធ្លាក់ភ្លៀងផងដែរ កើតឡើងនៅវេលាម៉ោងជិត១២ថ្ងៃត្រង់ ទី០២ ឧសភា…
ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា បុរសម្នាក់បានស្លាប់ភ្លាមៗនៅនឹងកន្លែង ក្នុងហេតុការណ៍គ្រោះថ្នាក់ចរាចរណ៍មួយ រវាងម៉ូតូបុកជាមួយរថយន្តដឹកអ្នកដំណើរមួយគ្រឿងយ៉ាងពេញទំហឹង និងពេលមេឃកំពុងធ្លាក់ភ្លៀងផងដែរ កើតឡើងនៅវេលាម៉ោងជិត១២ថ្ងៃត្រង់ ទី០២ ឧសភា ស្ថិតនៅតាមបណ្តោយផ្លូវជាតិលេខ៤ ត្រង់ចន្លោះគីឡូម៉ែត្រលេខ១៦៣-១៦៤ ចំនុចស្ពានវត្តតានៃ ក្នុងភូមិ-ឃុំតានៃ ស្រុកព្រៃនប់ ខេត្តព្រះសីហនុ ។
សេចក្តីរាយការណ៍បន្តថា ជនរងគ្រោះដែលស្លាប់ខាងលើ មានឈ្មោះ ញឹម សារំុ អាយុ២៧ឆ្នាំ ស្នាក់នៅភូមិទឹកល្អក ឃុំជីផាត ស្រុកថ្មបាំង ខេត្តកោះកុង ។ ដោយឡែក ខាងភាគីរថយន្តនៅមិនទាន់ស្គាល់ឈ្មោះអ្នកបើកបរនោះទេ ។
ទាក់ទិនករណីនេះ សមត្ថកិច្ចឱ្យដឹងបឋមថា ម៉ូតូនិងរថយន្តគឺធ្វើដំណើរបញ្ច្រាសទិសគ្នា ។ លុះមកចំណុចកើតហេតុ ខាងម៉ូតូជ្រុលទៅបុករថយន្តតែម្តង ។ មានប្រភពក្រៅផ្លូវការនិយាយប្រាប់ដែរថា ដោយសារខាងអ្នកជិះម៉ូតូជាប់និយាយទូរស័ព្ទ ។ បច្ចុប្បន្ន សមត្ថកិច្ចកំពុងអន្តរាគមន៍នៅកន្លែងកើតហេតុ ។
ចែករំលែកព័តមាននេះ