ខេត្តត្បូងឃ្មុំ ៖ ក្រោមការស្រាវជ្រាវរបស់សមត្ថកិច្ចស្រុក និងព្រហ្មទណ្ឌកម្រិតធ្ងន់ខេត្ត បានឃាត់ខ្លួនបុរស
ម្នាក់ឈ្មោះ ខៀវ សាវ៉េត អាយុ៤៤ឆ្នាំ នៅភូមិត្រាចខោល ឃុំត្រពាំងផ្លុង ស្រុកពញាក្រែក ដែលធ្វើឡើ
ងនៅវេលាម៉ោង១១ និង១០នាទីព្រឹក ថ្ងៃទី០១ មិថុនា ២០១៨។ ដោយចោទប្រកាន់ពីបទរំលោភសេព
សន្ថវៈលើក្មេងស្រីជាអនីតិជនវ័យ១៤ឆ្នាំ រស់នៅឃុំស្រុកជាមួយនោះគ្នា។ នគរបាលមូលដ្ឋានប្រាប់ ឲ្យដឹងថា ក្មេងស្រីរងគ្រោះបានដេកនៅក្នុងផ្ទះតែម្នាក់ឯង កាលពីយប់ថ្ងៃទី២៧ ឧសភា លុះនៅវេលាម៉ោង០១យប់ រំលងអាធ្រាត្រឈានចូលព្រឹកថ្ងៃទី២៨ ស្រាប់តែមានជនសង្ស័យខាងលើ បានចូលមកធ្វើសកម្មភាពចាប់ក្មេងស្រីនោះរំលោភរហូតដល់បានសម្រេចតាមបំណង។
នគរបាលមូលដ្ឋានបានប្រាប់បន្តថា លុះនៅព្រឹកឡើងសាច់ញាតិក្មេងស្រីរងគ្រោះបានដាក់ពាក្យប
ណ្តឹងនៅប៉ុស្តិ៍រដ្ឋបាលឃុំត្រពាំងផ្លុង ដើម្បីឲ្យជួយអន្តរាគមន៍តាមចាប់បុរសខាងលើ។ ក្រោយពីទទួល
បានបញ្ជាពីលោកអធិការនគរបាលស្រុកពញាក្រែក និងលោកឧត្តមសេនីយ៍ទោ បែន រ័ត្ន ស្នងការន
គរបាលខេត្តនោះ បានចាត់ឲ្យកម្លាំងជំនាញព្រហ្មទណ្ឌកម្រិតធ្ងន់ខេត្ត ចុះស្រាវជ្រាវដោយបានសួរនាំ
ក្មេងស្រីរងគ្រោះរហូតដល់បានស្គាល់ពីភិនភាគសង្ស័យឈ្មោះ សាវ៉េត។
ហើយនៅព្រឹកថ្ងៃទី០១ មិថុនា សមត្ថកិច្ចបានកោះហៅបុរសនោះមកសួរនាំនៅប៉ុស្តិ៍រដ្ឋបាល ទីបំផុតបុរសល្មោភកាម បានឆ្លើយសារភាពថា ខ្លួនគាត់ពិតជាបានចាប់ក្មេងស្រីរងគ្រោះរំលោភមែន ដោយសារតែខ្លួនស្រវឹងស្រា។ នារសៀលថ្ងៃដដែលបុរសនេះត្រូវបានបញ្ជូនមកកាន់អធិការដ្ឋានគរបាលនគរបាលស្រុកពញាក្រែកដើម្បីចាត់ការតាមនីតិវិធី៕
ចែករំលែកព័តមាននេះ