ខេត្តស្វាយរៀង ៖ ប្រជាពលរដ្ឋស្រុករំដួលបានថ្លែងអំណគុណដល់សម្តេចអគ្គមហាសេនាបតីតេជោ ហ៊ុន សែន បានផ្តល់អគារមន្ទីរពេទ្យបង្អែកសាមគ្គីស្រុករំដួលតាមសំណើររបស់ប្រជាពលរដ្ឋហើយក្នុងឱកាសនោះដែរលោកជំទាវបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ដ្រី ក្រសួងទំនាក់ទំនង ជាមួយ រដ្ឋសភា-ព្រឹទ្ធសភា និងអធិការកិច្ចក្នុងនាមតំណាងអោយប្រជាពលរដ្ឋទូទាំងស្រុករំដួលទាំងអស់បានថ្លែងនូវអំណរអរគុណចំពោះសម្ដេចតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជា ដែលបានផ្ដល់នូវមន្ទីរពេទ្យបង្អែកថ្មីស្រឡាងដែលបានលិចរូបរាងជាបណ្តើរៗនេះតាមការចង់បានរបស់ប្រជាពលរដ្ឋ ។
លោកជំទាវកិត្តសង្គមបណ្ឌិត ម៉ែន សំអន ថ្លែងបែបនេះក្នុងពិធីបញ្ចុះបឋមសិលា កសាងអគារ មន្ទីរពេទ្យបង្អែក«សាមគ្គី» ស្ថិតនៅស្រុករំដួល ខេត្តស្វាយរៀងថ្ងៃទី០១ ខែមិថុនា ឆ្នាំ២០១៨ ។
លោកជំទាវកិត្តិសង្គមបណ្ឌិតបានពាំនាំការផ្តាំផ្ញើរសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្តេចទាំងពីរតែងតែមានមនោសញ្ចេតនាស្រលាញ់រាប់អាន និងរួមសុខទុក្ខជាមួយបងប្អូនជនរួមជាតិទាំងអស់ និងជួយដោះ ស្រាយទុក្ខលំបាកសព្វបែបយ៉ាងគ្រប់ទីកន្លែងទូទាំងប្រទេសកម្ពុជា ។
មន្ទីរពេទ្យបង្អែកដែលនឹងលេចរូបរាងនាពេលឆាប់ៗខាងមុខនេះបានប្រើប្រាស់ថិវការាជរដ្ឋាភិបាលសុទ្ធសាធសម្តេចតេជោ ហ៊ុន សែន បានសម្រេចផ្តល់ជូនប្រជាពលរដ្ឋនៅស្រុករំដួល ដោយការគិតគូរខ្វល់ ខ្វាយយ៉ាងខ្លាំងរបស់សម្តេចតេជោចំពោះសុខភាពប្រជាពលរដ្ឋដែលត្រូវគាំពារថែរក្សាសុខុមាលភាពលោកយាយលោកតា ពូមីង បងប្អូនក្មួយៗឱ្យបានល្អដើ ម្បី មានសុខភាពល្អអាចប្រកប ការងារ បង្កើនជីវភាពគ្រួសារ ឱ្យកាន់តែ ខ្ពស់ឡើងមានសេចក្ដីសុខសុខភាពល្អ និងអាយុយឺនយូរ ទើបសម្ដេចតេជោ បានសម្រេចឱ្យកសាងមន្ទីរពេទ្យបង្អែកនេះ ។ មន្ទីរពេទ្យបង្អែកនេះកសាងឡើងដើម្បីពិនិត្យព្យាបាល និងថែរក្សា សុខភាពជូនបងប្អូនប្រជាពលរដ្ឋនៅទូទាំងស្រុករំដួល រួមទាំងមូលដ្ឋាននៅជុំវិញនេះ ៕
ចែករំលែកព័តមាននេះ