ខេត្តព្រះវិហារ ៖ តាមសេចក្តីរាយការណ៍បឋមបានឲ្យដឹងថា ស្ត្រីវ័យ៥១ឆ្នាំម្នាក់ត្រូវបានជនមិនស្គាល់មុខចាក់.កសម្លាប់យ៉ាងព្រៃផ្សៃនៅនឹងកន្លែង ក្នុងដីចម្ការចម្ងាយពីភូមិប្រមាណជាង៤គីឡូ ស្ថិតក្នុងភូមិសែនតេជះ ឃុំមរកត ស្រុកជាំក្សាន្ត ខេត្តព្រះវិហារ កាលពីវេលាម៉ោង១១និង៣០នាទីថ្ងៃទី៣១ ខែឧសភា ឆ្នាំ២០១៨ ។
សេចក្តីរាយការណ៍ពីលោកវរសេនីយ៍ត្រី ញ៉ែម សុភាព អធិការរងនគបាលស្រុកជាំក្សាន្តទទួលបន្ទុកផ្នែកព្រហ្មទណ្ឌបានបញ្ជាក់ឲ្យដឹងតាមទូរស័ព្ទថា ជនរងគ្រោះដែលត្រូវជនមិនស្គាល់មុខចាក់.ក សម្លាប់នោះមានឈ្មោះ ហៀប សុភាព ភេទស្រី អាយុ៥១ឆ្នាំ មានទីលំនៅភូមិឃុំកើតហេតុខាងលើ ។
លោកបន្តថា ឃាតកមិនស្គាល់មុខរូបនោះ បានចាក់.កពីខាងឆ្វេងធ្លាយទៅខាងស្តាំដាច់ឆ្អឹង.ក ទើបបណ្តាលឲ្យស្ត្រីរងគ្រោះស្លាប់ភ្លាមៗនៅនឹងកន្លែង ក្នុងថ្លុកឈាមយ៉ាងអាណោចអាធម៌ ។
លោកថា បច្ចប្បន្នកម្លាំងជំនាញកំពុងធ្វើការសាកសួរជនជាប់សង្ស័យម្នាក់ ដែលធ្លាប់មានទំនាស់ពាក្យសម្តីជាច្រើនលើករវាងព្រំដីចម្ការជាប់គ្នាជាមួយជនរងគ្រោះ ក្រោយពេលដែលកម្លាំងចុះទៅពិនិត្យជាក់ស្តែង ត្រង់ចំណុចកើតហេតុ ដើម្បីធ្វើការស្រាវជ្រាវបន្តវែកមុខយកជនដៃដល់មកផ្តន្ទាទោសទៅតាមផ្លូវច្បាប់ ៕
ចែករំលែកព័តមាននេះ