រាជធានីភ្នំពេញ ៖ នគរបាលខណ្ឌទួលគោក សហការជាមួយនគរបាលព្រហ្មទណ្ឌកម្រិតស្រាលក្រសួង មហាផ្ទៃ បានដេញតាមចាប់ជន២នាក់ដែលធ្វើសកម្មភាពឆក់ទូរស័ព្ទដៃពីជនបរទេស តាំងពីផ្សារមាន់អាំងរហូតដល់ផ្ទះរបស់ខ្លួនទើបឃាត់ខ្លួនបាននៅក្បែរស្តុបទេពផន គឺផ្ទះលេខ៤៥៤E0 មហាវិថីម៉ៅសេទុង ក្នុងសង្កាត់ទឹកល្អក់ទី២…
រាជធានីភ្នំពេញ ៖ នគរបាលខណ្ឌទួលគោក សហការជាមួយនគរបាលព្រហ្មទណ្ឌកម្រិតស្រាលក្រសួង មហាផ្ទៃ បានដេញតាមចាប់ជន២នាក់ដែលធ្វើសកម្មភាពឆក់ទូរស័ព្ទដៃពីជនបរទេស តាំងពីផ្សារមាន់អាំងរហូតដល់ផ្ទះរបស់ខ្លួនទើបឃាត់ខ្លួនបាននៅក្បែរស្តុបទេពផន គឺផ្ទះលេខ៤៥៤E0 មហាវិថីម៉ៅសេទុង ក្នុងសង្កាត់ទឹកល្អក់ទី២ ខណ្ឌទួលគោក ។
តាមប្រភពព័ត៌មានឲ្យដឹងថា ករណីឆក់នេះ កើតឡើងកាលពីវេលាម៉ោង៩និង១៥នាទីយប់ថ្ងៃទី៣០
ឧសភា ។ ជនសង្ស័យមានគ្នា២នាក់ ជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៨ ពណ៌ខ្មៅ មិនចាំផ្លាកលេខ ក្រោយពីឆក់បានក៏រត់គេចខ្លួន ។ ភ្លាមៗ កម្លាំងនគរបាលព្រហ្មទណ្ឌកម្រិតស្រាល ក្រសួងមហាផ្ទៃ រួមជាមួយកម្លាំងសមត្ថកិច្ចមូលដ្ឋានជាច្រើននាក់ទៀត ជិះម៉ូតូជាច្រើនគ្រឿងដេញតាមរហូតដល់ផ្ទះលេខ៤៥៤ E0 មហាវិថីម៉ៅសេទុង ចោរទាំង២នាក់នោះក៏ឈប់ម៉ូតូ ហើយចោរម្នាក់បានរត់គេចខ្លួនឡើងទៅលើផ្ទះបាត់ទៅ ។ ចំណែកឯចោរឆក់ម្នាក់ទៀត ត្រូវបានកម្លាំងព្រហ្មទណ្ឌកម្រិតស្រាលក្រសួងមហាផ្ទៃឃាត់ខ្លួនបាន ។ នៅក្នុងពេលនោះដែរ កម្លាំងសមត្ថកិច្ចមូលដ្ឋាន និងកម្លាំងនគរបាលព្រហ្មទណ្ឌកម្រិតស្រាលក៏បានធ្វើការឡោមព័ទ្ធ និងរុករកចោរម្នាក់ដែលបានរត់ចូលផ្ទះខាងលើ ។ ប្រមាណជាងកន្លះម៉ោងក្រោយមក ក៏រកឃើញខណៈចោរនេះ កំពុងសម្ងំលាក់ខ្លួននៅកៀនជណ្តើរ ហើយក៏បានបន្តឃាត់ខ្លួន ។
បើតាមនគរបាលព្រហ្មទណ្ឌកម្រិតស្រាលឱ្យដឹងថា នៅយប់នោះ ខណៈពួកគាត់កំពុងល្បាតដល់ផ្សារមាន់អាំង តាមផ្លូវលេខ៥៩២ ក្នុងសង្កាត់បឹងកក់ទី២ ខណ្ឌទួលគោក ក៏ប្រទះឃើញជនទាំង២នាក់ខាងលើ ធ្វើសកម្មភាពឆក់ទូរស័ព្ទដៃពីជនបរទេសម្នាក់ ដែលកំពុងដើរតាមផ្លូវរួចហើយជិះម៉ូតូរត់គេចខ្លួន ។ ភ្លាមនោះ កម្លាំងល្បាត ក៏ដេញតាមដោយសហការជាមួយសមត្ថកិច្ចមូលដ្ឋានខណ្ឌទួលគោក រហូតទៅដល់ចំណុចខាងលើទើបឃាត់ខ្លួនជនសង្ស័យទាំង២នាក់បានជាបន្តបន្ទាប់ ។ ក្រោយពីចាប់ខ្លួនបាន ជនសង្ស័យទាំង២
នាក់រួមនឹងវត្ថុតាង ត្រូវបានកម្លាំងនគរបាលព្រហ្មទណ្ឌកម្រិតស្រាល នាំទៅសាកសួរ និងកសាងសំណុំរឿងចាត់ការទៅតាមនីតិវិធី ។
ឆក់ទូរស័ព្ទប៉ះអ្នកបើកតាក់ស៊ីដេញបុករហូតចាប់បាន
ក្នុងព្រឹត្តិការណ៍ដូចគ្នានេះដែរ ជនសង្ស័យពីរនាក់ជិះម៉ូតូមួយគ្រឿងធ្វើសកម្មភាពឆក់ទូរសព្ទ័ដៃពីអ្នក បើកបរម្នាក់កំពុងចុចលេងនៅក្នុងរថយន្ត ដែលឈប់តាមដងផ្លូវបានសម្រេច ហើយជិះម៉ូតូគេចខ្លួន តែសំណាងអាក្រក់ ត្រូវបានជនរងគ្រោះ បើករថយន្តដេញបុកពីក្រោយបណ្តាលឱ្យដួលម៉ូតូ ត្រូវបានប្រជា ពលរដ្ឋនៅក្បែរកន្លែងកើតហេតុនាំគ្នាចាប់វាយមួយដៃមួយជើងឡើងទ្រមខ្លួន ទើបប្រគល់ជូនសមត្ថកិច្ច ។
ហេតុការណ៍នេះ កើតឡើងកាលពីវេលាម៉ោង៩និង៤០នាទីយប់ថ្ងៃទី៣០ ឧសភា ត្រង់ចំណុចមុខខុនដូ ISL តាមបណ្តោយផ្លូវ៣១៣ ក្នុងសង្កាត់បឹងកក់២ ខណ្ឌទួលគោក ។ជនសង្ស័យទី១មានឈ្មោះ ប៉ា ផល្លី ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅម្តុំអង់តែនទួលគោក ស្ថិតក្នុងសង្កាត់ទួលសង្កែ ខណ្ឌឫស្សីកែវ មានស្រុកកំណើតនៅខេត្តកំពង់ចាម ។ ទី២មានឈ្មោះ សំ ដន ភេទប្រុស អាយុ៣០ឆ្មាំ មុខរបរនិងស្នាក់នៅមិនប្រាកដ ។ ចំណែកជនរងគ្រោះមានឈ្មោះ សុខ ធី មុខរបរអ្នកបើកបររថយន្តតាក់ស៊ី ។
តាមប្រភពពីម្ចាស់ទូរស័ព្ទអ្នករត់តាក់ស៊ីបានឱ្យដឹងថា មុនកើតហេតុរូបគាត់បានឈប់សំរាកក្នុងរថយន្តតាក់ស៊ីរបស់គាត់មួយគ្រឿង ម៉ាកកាមរីឆ្លាម ពណ៌ស ចតនៅចិញ្ចើមផ្លូវតាមបណ្តោយផ្លូវ៣១៣ ដោយបានបើកកញ្ចក់រថយន្តចំហ ហើយរូបគាត់បានយកទូរសព្ទ័ដៃ ម៉ាកអាយហ្វូនអេសសិចផ្លើស យកមកចុចលេងនៅក្នុងរថយន្ត ។ខណៈនោះក៏ស្រាប់តែមានចោរឆក់ពីរនាក់ជិះម៉ូតូមួយគ្រឿងម៉ាកហាយយ៉ាតេ ពណ៌ខ្មៅ ជិះមកក្នុងទិសដៅពីជើងទៅត្បូងមកឈប់អែបរថយន្ត របស់គាត់ ហើយបានឆក់ទូរស័ព្ទពីដៃគាត់បានសម្រេច ព្រមទាំងព្យាយាមជិះម៉ូតូគេចខ្លួន ។
ភ្លាមៗនោះ គាត់ក៏បានបើករថយន្តដេញតាមពីក្រោយ មកដល់ចំណុចផ្លូវលេខ២៩១ក្បែរផ្សារទួលគោកក៏សម្រេចបើកបុកពីក្រោយ បណ្តាលឱ្យម៉ូតូចោរឆក់ដួល ហើយត្រូវបានប្រជាពលរដ្ឋដែលឃើញហេតុ ការណ៍ដឹងថា ជាចោរឆក់ ក៏នាំគ្នាវស្វាគមន៍ឡើងទ្រមខ្លួន ទើបប្រគល់ជូនសមត្ថកិច្ច ។ ចំណែកទូរសព្ទ័ដៃបានខ្ទាតចេញពីកន្លែងកើតហេតុបាត់រកមិនឃើញនោះទេ ។ គួរបញ្ជាក់ផងដែរភ្លាមៗនោះ ជនរងគ្រោះបានឡើងជិះរថយន្តបន្តដំណើរទៅមុខបាត់ដោយមិនបានទៅដាក់ពាក្យបណ្តឹងនៅប៉ុស្តិ៍សមត្ថកិច្ចនោះទេ ។ ក្រោយកើតហេតុសមត្ថកិច្ចមូលដ្ឋានបានចុះមកនាំយកជនសង្ស័យទាំងពីរនាក់ទៅសួរនាំនៅប៉ុស្តិ៍នគរបាលរដ្ឋបាលបឹងកក់ទី២ដើម្បីកសាងសំណុំរឿង ៕
ចែករំលែកព័តមាននេះ